Letaś stała viadoma, što budynak, jaki raniej naležaŭ Domu druku i dzie raniej raźmiaščalisia redakcyi haziet, buduć viartać da žyćcia za košt biudžetnych srodkaŭ. Paśla abnaŭleńnia ŭ korpus pierajeduć Kamitet achovy zdaroŭja i Kamitet pracy i sacyjalnaj abarony Minharvykankama, paviedamlajuć «Minsk-Naviny».
Budaŭničyja raboty płanujecca pačać užo sioleta, a pakul «Minskprajekt» raspracoŭvaje prajektna-kaštarysnuju dakumientacyju na rekanstrukcyju abjekta.
Tak jak budynak z'ŭlajecca pomnikam architektury, jaho vonkavy vyhlad mianiać nielha, nadbudovy i pierabudovy taksama nie dazvolenyja. Adnak fasady treba budzie pryvieści ŭ paradak. Što mienavita budzie rabicca padčas restaŭracyi, vyznačać prajekciroŭščyki razam z navukovym kiraŭnikom rabot na historyka-kulturnaj kaštoŭnaści paśla kompleksnych daśledavańniaŭ.
A voś unutry abjom rabot čakajecca niemały.
— Zhodna z techničnym zaklučeńniem treba budzie demantavać usie ŭnutranyja pieraharodki i draŭlanyja pierakryćci i ŭźvieści novyja kanstrukcyi, — raspaviadaje hałoŭny architektar prajekta Vieranika Urban. — Faktyčna niekranutymi zastanucca vonkavyja ścieny i, mahčyma, nievialikija ŭčastki kanstrukcyj z manalitnymi pierakryćciami. Abnovicca dach, jon budzie takoha ž vyhladu, jak raniej.
Urban dzielicca: zaraz adna z samych prablemnych zadač — zrabić novy ŭvachod u korpus, bo isnujučaja ŭvachodnaja zona, raźmieščanaja na rahu praśpiekta i vuł. Surhanava, naležyć Domu druku. Z hałoŭnaha fasada dostup u budynak nie zabiaśpiečyš — heta pryviadzie da źmieny abličča budynka. Z dvarovaha fasada taksama niama takoj mahčymaści.
— Prapanujem zrabić uvachod ź levaha tarca kala prajaznoj arki, kali taki varyjant uzhodnić Ministerstva kultury, — adznačyła architektar. — U hetym vypadku arhanizujem maksimalna niakidki varyjant, sa šklanym naviesam i nievialikim hankam.
Zakazčykam na rekanstrukcyju abjekta vyznačany UKB Savieckaha rajona.
Čytać taksama:
«Vietraź», «karabliki» i navat Zybickaja. Jakija ofisy pradajucca ŭ Minsku
Znoŭ sprabujuć pradać budynak «Trajpła» na Rakaŭskaj u Minsku
Na prodaž u minskaj Hrušaŭcy vystavili vialiki katedž — byłoje pasolstva
Ciapier čytajuć
Što kažuć Mackievič, Karpaŭ, Čarniaŭskaja i inšyja pra pres-kanfierencyju Babaryki i Kaleśnikavaj37
Što kažuć Mackievič, Karpaŭ, Čarniaŭskaja i inšyja pra pres-kanfierencyju Babaryki i Kaleśnikavaj
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»2828
Kamientary
https://dck8xvlq18iei.cloudfront.net/315727 ! budzie prymać ludziej z abmiežavanymi mahčymaściami? Dzie pandus , ci lift u dapamohu ?