Šosty pa liku siezon abiacaje niečakanaści i zorny akciorski skład: siarod inšych u im źnialisia Aaran Poł, Majkł Siera, Salma Chajek, Rory Kałkin, Kiejt Mara i inšyja.
Papularnaje šou brytanskaj vytvorčaści «Čornaje lusterka» aficyjna viartajecca ŭ červieni hetaha hoda, abviaściła kampanija Netflix na minułym tydni.
Zusim niadaŭna ŭładalnik akaŭnta ŭ tvitary, pryśviečanaha «Čornamu lusterku», vyrašyŭ znoŭ adazvacca paśla hadoŭ maŭčańnia i napisaŭ tvit «Što my prapuścili?», peŭna, pryvioŭšy tym samym u ekstaz paru tysiač fanataŭ.
Akaŭnt Netflix adkazaŭ na heta pytańnie: «Navukoŭcy ŭsio jašče stvarajuć robataŭ, jakija pavolna vykarystoŭvajuć usio bolš i bolš daskanały štučny intelekt, byccam jany nie hladzieli nivodnaha epizodu vašaha šou».
scientists are still creating robots that slowly harness more and more advanced AI like they haven't watched a single episode of your show.
Zychodziačy ź pieršaha tyziera novaha šostaha siezona, antałohija trymaje svaju zmročnuju antyŭtapičnuju marku, apisvajučy mažlivuju supiarečlivuju i nie zaŭždy radasnuju budučyniu, a miescami i sučasnaść.
Stvaralnik «Čornaha lusterka» Čarli Brukier namiakaje, što novy siezon budzie dla fanataŭ samym niečakanym i dziŭnym. Kali vy bačyli sieryjał, to viedajecie, nakolki varjackimi mohuć być siužetnyja linii (čaho varty tolki pieršy epizod pieršaha siezona pra premjer-ministra i śvińniu). Takim čynam, kali stvaralnik kaža, što źbirajecca jašče dalej pierasiahnuć hetyja miežy, to heta całkam moža być praŭdaj.
Kožny epizod satyryčnaj antałohii ŭ toj ci inšaj formie kamientuje hramadstva, naprykład, prablemy, źviazanyja z chakierami veb-kamier, dziŭnymi sabakami-robatami i taksičnaściu sacyjalnych sietak. Internet-supolnaściu byŭ prydumany navat miem-vyraz «žyć u epizodzie «Čornaha lusterka» z-za ščylnaści dziŭnych i niepryjemnych padziej, jakija adbylisia za apošnija niekalki hadoŭ.
Apošni na siońnia piaty siezon zaviaršyŭsia ŭ 2019 hodzie, i hety čatyrochhadovy pierapynak staŭ samym doŭhim miž usimi siezonami. Heta było źviazana z zasnavańniem stvaralnikami šou novaj pradziusarskaj kampanii i ŭrehulavańniem pravoŭ na pakaz. Na ščaście amataraŭ, užo viadoma, što novy siezon budzie mieć bolš sieryj za papiaredni, a novyja epizody buduć daŭžejšymi, ich možna budzie hladzieć jak asobnyja filmy.
Kamientary