Pra padrychtoŭku da vizitu paviedamili krynicy ŭ siłavych strukturach Niamieččyny. Jany rychtujucca pryniać bort ukrainskaha lidara 13 maja ŭ aeraporcie Bierlina.
«Prezident [Ukrainy] pryjedzie ŭ Niamieččynu na zaprašeńnie fiederalnaha prezidenta [FRH]», — paviedamili krynicy Bild.
U rajonie Patsdamskaj płoščy, dzie pavinien spynicca Zialenski, buduć pryniatyja pavyšanyja miery biaśpieki.
14 maja Zialenskaha z vajskovymi ŭšanavańniami prymie kancler FRH Ołaf Šolc. Pa vynikach ich pieramoŭ zapłanavana pres-kanfierencyja.
Zatym ukrainski lidar pavinien sustrecca z prezidentam Frankam-Valteram Štajnmajeram.
Paśla prezident Ukrainy pavinien vylecieć na viertalocie ŭ Aachien na zachadzie krainy, dzie jamu ŭručać Mižnarodnuju premiju imia Karła Vialikaha. Paśla hetaha jon vierniecca va Ukrainu.
Adnak krynicy Bild u siłavych strukturach nie vyklučajuć, što vizit daviadziecca admianić u samyja karotkija terminy praź situacyju va Ukrainie.
Siońnia Uładzimir Zialenski znachodzicca ź vizitam u Finlandyi.
Z pačatku poŭnamaštabnaha ŭvarvańnia Rasii va Ukrainu Uładzimir Zialenski naviedaŭ piać zamiežnych krain: ZŠA, Polšču, Vialikabrytaniju, Bielhiju i Francyju. Pryčym pieršy vizit byŭ ździejśnieny tolki ŭ śniežni minułaha hoda.
-
Ukrainski žurnalist nazvaŭ Naŭrockaha «pachanom». Jaho zvolnili z polskaha ŚMI, a kancylaryja prezidenta zaklikała pierapisać Kanstytucyju
-
«Heta byŭ biesprecedentny akt suprać našaha naroda». Alijeŭ upieršyniu prakamientavaŭ zabojstva azierbajdžancaŭ rasijskimi siłavikami
-
Znojdzieny pieršy kampjutarny virus, jaki vykarystoŭvaje štučny intelekt
Kamientary