U suviazi z uviadzieńniem na rasijska-biełaruskaj miažy ź biełaruskaha boku kantrolu tych, chto ŭjazdžaje ŭ krainu kiraŭnik fondu «Bajsoł» Andrej Stryžak padzialiŭsia ŭ fejsbuku paradami, jak siabie pavodzić u hetaj novaj situacyi.
«Nasamreč pamiežniki ŭzmacnili kantrol za tymi, chto ŭjazdžaje ŭ Biełaruś z RF. Heta niasie dadatkovuju ryzyku pry nadhladzie vašych devajsaŭ/padpisak», — adznačaje Stryžak, padkreślivajučy pry hetym, što historyi, kali ludziej aryštoŭvali za «ekstremizm» u mabilnym telefonie prosta na miažy, rehularna zdarajucca.
U suviazi z hetym «Bajsoł» raić:
— Stavicca da pierasiačeńnia miažy Biełarusi z Rasijaj hetak sama surjozna, jak da miažy Biełarusi ź Jeŭrasajuzam.
To-bok, rychtujučysia jaje pierasiakać, ci całkam čyścić usio patencyjna niebiaśpiečnaje, ci brać čysty telefon. Varta sačyć za ŭsimi niepažadanymi padpiskami i pierapiskami.
— Mieć na ŭvazie, što na miažy Biełarusi z Rasijaj značna bolšuju cikavaść, čym na miažy Biełarusi ź Jeŭrasajuzam, moža vyklikać vaša šenhienskaja viza.
Kali na miažy ź Jeŭrasajuzam jaje najaŭnaść — źjava naturalnaja, to na miažy z RF možna trapić na dadatkovy kantrol ź niepryjemnymi pytańniami, adkul viza. Da takich pytańniaŭ treba być hatovym i mieć imaviernuju lehiendu.
Urešcie Stryžak kanstatuje, što pa stanie na 10 maja dadatkovyja zachady pa kantroli na biełaruska-rasijskaj miažy nie paŭpłyvali na pracu słužby evakuacyi «Bajsoła», ale jaho supracoŭniki pilna adsočvajuć źmieny, jakija adbyvajucca. I abiacajuć praciahvać pracavać dy vyciahvać svaich da taho času, pakul heta budzie mahčyma.
Ciapier čytajuć
Čaćviortuju liniju minskaha mietro paviaduć u Dražniu. A «Ślapianka» i «Daŭhabrodskaja» źmianili svajo miesca5
Kamientary
svaich? i sadžać "niesvaich"?