Na vialikija vychadnyja Biełaruś nakryła chvala rasijskich turystaŭ
Jak i zvyčajna, na vialikija vychadnyja, abvieščanyja ŭ Rasii, u Biełarusi adčuvajecca vialiki napłyŭ turystaŭ z-za ŭschodniaj miažy.
Takaja karcina nie zusim unikalnaja, jana charakternaja dla ŭsich apošnich hadoŭ. Ale ŭ hetym hodzie taki napłyŭ haściej z uschodu adčuvajecca asabliva, bo dla rasijan paśla raźviazvańnia imi vajny va Ukrainie i nastupnych nakładzienych abmiežavańniaŭ mahčymaści źniešniaha turyzmu značna skaracilisia.
Navat uviedzieny dniami biełaruskim bokam pahraničny kantrol na rasijska-biełaruskaj miažy kali na hety praces i paŭpłyvaŭ, to nie pryncypova.
Pavodle śviedčańniaŭ žycharoŭ Minska, źviazanych z turystyčnym biznesam, takuju kolkaść ludziej, naprykład, u Trajeckim pradmieści ci na Vostravie Śloz, redka kali davodzicca ŭ biełaruskaj stalicy bačyć. Natoŭp u minskim Vierchnim horadzie amal jak na Staramiesckaj płoščy ŭ Prazie. A aŭtobusam kala Minskaj ratušy niama dzie parkavacca.
Rasijan u hetych natoŭpach — pieravažnaja bolšaść, što vidać navat z taho, što časta možna pačuć, jak jany ź ciažkaściu čytajuć biełaruskamoŭnyja nadpisy i pierakručvajuć ich.
Pavodle śviedčańniaŭ ludziej, jakija ź imi kantaktavali, Minsk rasijanam padabajecca, vodhuki na jaho zvyčajna tolki chvalebnyja.
Ekskursijnyja tury dla rasijan u Biełaruś zvyčajna ŭklučajuć naviedvańnie nie tolki stalicy, ale i Mirskaha dy Niaśvižskaha zamkaŭ. Tam taksama ciapier adznačajucca vialikija čerhi, foty jakich traplajuć i ŭ internet.
Ciapier čytajuć
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie5555
Kamientary