Błohier pražyŭ 15 miesiacaŭ u minskim hateli. Raskazvaje, ci haściničny numar lepšy za zdymnuju kvateru
Mužčyna vyrašyŭ pažyć u minskim hateli zamiest taho, kab zdymać kvateru. «Nie, heta nie doraha». U tyktoku jon padzialiŭsia vynikami svajho ekśpierymienta.
U hatelach byvaje opcyja praciahłaha pražyvańnia, kali ty možaš zapłacić adrazu za 30 sutak i budzieš mieć vialikuju źnižku. Joj i skarystaŭsia chłopiec.
U minskuju haścinicu «Turyst», što na Partyzanskim praśpiekcie, jon zajechaŭ u studzieni 2022-ha. Tady 30 sutak u maleńkim numary kaštavali 530 rubloŭ. Na «Kufry» na toj momant arenda adnapakajoŭki była ad 600 rubloŭ plus kamunałka.
Paśla maja minułaha hoda 30 sutak u hateli padaraželi da 572 rubloŭ, a apošnija miesiacy błohier płaciŭ 650 rubloŭ.
Jon pahadžajecca, što jość peŭnyja niazručnaści. Tak, niama dzie hatavać ježu. Ale možna rabić sałaty i kuplać hatovyja porcyi, jakija možna padahreć u mikrachvaloŭcy ŭ chole hatela. Multyvarki ŭ numarach zabaronieny.
Rečy mužčyna myŭ rukami. A bujnoje adzieńnie typu bajek i štanoŭ, myŭ u baćkoŭ doma ci ŭ dziaŭčyny.
Ź minusaŭ taksama adsutnaść marazilnika (jość tolki chaładzilnik) i časam šum na kalidory.
Niekalki razoŭ było, što błohier prychodziŭ apłačvać numar i na resiepšenie kazali, što jon zabraniravany niekim inšym na paru dzion, chacia chłopiec prasiŭ pakinuć numar za im na niekalki miesiacaŭ.
Ź plusoŭ — raz na tydzień prybirajuć numar i mianiajuć paściel i ručniki, blizka la mietro, kali złamaŭsia fien ci chaładzilnik, to pryniasuć novy chvilin za 15. Praściej źniać, bo nie treba, jak z kvaterami, jeździć hladzieć, hutaryć z haspadarami i tarhavacca.
U vyniku chłopiec pravioŭ 15 miesiacaŭ u hateli.
Čamu ž źjechaŭ? Praciahłaje pražyvańnie było śpiecyjalnaj opcyjaj, i z 1 krasavika jana skončyłasia. Zaraz, kab pražyć miesiac u haściničnym numary, treba zapłacić poŭny košt kožnaha dnia — razam heta kala 3000 rubloŭ.
Rolik pra hety ekśpierymient nabraŭ 1,5 miljona prahladaŭ u tyktoku.
Ciapier čytajuć
KDB aryštavaŭ padazronaha aktyvista Paŭła Bialucina. U jakoj krainie heta adbyłosia, nieviadoma8
Kamientary