U Biełarusi značna pavialičyłasia kolkaść vypadkaŭ hibieli kapytnych u DTZ, za adny sutki — 33 žyvioliny
U Biełarusi adznačajecca značny rost DTZ, u vyniku jakich hinuć kapytnyja dzikija žyvioły, paviedamili ŭ Biełaruskim tavarystvie palaŭničych i rybałovaŭ (BTPR).
Tolki za adny sutki, z 12 pa 13 maja, dziažurnaja słužba Dziaržinśpiekcyi vyjaviła 33 takija vypadki — hety pakazčyk staŭ maksimalnym za ŭvieś pieryjad fiksacyi dziaržinśpiektarami krainy padobnych faktaŭ.
Usiaho sa studzienia pa krasavik u Biełarusi było zarehistravana ŭžo 943 DTZ z udziełam žyvioł. U vyniku zahinuli abo byli traŭmavanyja 963 kapytnyja žyvioliny — 149 łasioŭ, 17 vysakarodnych aleniaŭ, 761 kazula, dziki, 2 łani. Hinuć, praŭda, nie tolki kapytnyja — siarod achviaraŭ jość navat dva babry.
BTPR śćviardžaje, što za čatyry miesiacy biahučaha hoda było zafiksavana amal napałovu bolš (+48,7%) DTZ z udziełam žyvioł, čym za taki ž pieryjad 2022 hoda, a pakazčyk da 2021-ha pavialičyŭsia na 27,8% (+205 vypadkaŭ).
Čaściej za ŭsio, pad kołami aŭtamabilaŭ stali akazvacca kazuli.
«Tak, u studzieni-krasaviku 2023 hoda ŭ vyniku DTZ zahinuła na 288 kazul bolš (+60,9%), čym u anałahičnym pieryjadzie 2022 hoda i na 240 žyvioł bolš (+46,1%) u paraŭnańni z 2021 hodam», — raskazali ŭ BTPR.
U viedamstvie miarkujuć, što takaja tendencyja abumoŭlenaja pierš za ŭsio tym, što ŭ Biełarusi vyrasła papulacyja kazuli — hetamu spryjali adnosna miakkija zimy apošnich hadoŭ.
Najbolš žyvioły hinuć na aŭtadarohach ahulnaha karystańnia — 95,7%. Na čyhuncy zafiksavana ŭsiaho 38 takich vypadkaŭ. Najbolš niebiaśpiečnyja dla žyvioł — trasy M-1, M-2, M-3, M-4, M-6, M-7 i M-8.
Ciapier čytajuć
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju88
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju8
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary