ZRK Patriot niemahčyma źniščyć adnym udaram, navat «Kinžałam» — USU
Śpikier Pavietranych sił Ukrainy Juryj Ihnat zajaviŭ, što zienitna-rakietny kompleks Patriot niemahčyma źniščyć adnym udaram, navat «Kinžałam».
«Vynik supraćpavietranaha boju moža być rozny. Ale ŭčora my ŭvohule skazali: «Biez kamientaroŭ». Nie kamientujem chłusa Kanašenkava, jaki ŭžo vosiem razoŭ zapar źniščyŭ uvieś skład našaj avijacyi. Kali b u nas było stolki samalotaŭ, kolki jany «źniščyli», napeŭna, my ŭžo daŭno pieramahli b.
Ja chaču skazać: nie chvalujciesia za los Patriot. Z techničnaha punktu hledžańnia, Patriot — heta kompleks, batareja, dyvizijon, sistema, usie pa-roznamu zavuć i nichto nie moža zrazumieć, z čaho jon składajecca», — skazaŭ Ihnat u efiry telemarafonu.
Jon dadaŭ, što jość radar i da vaśmi puskavych ustanovak, kožnaja ź jakich składajecca z čatyroch transpartna-puskavych kantejnieraŭ, jakija raźmieščanyja na adlehłaści. Jany zabiaśpiečvajuć puski rakiet.
«Źniščyć sistemu niejkim «Kinžałam» niemahčyma. Tamu ŭsio, što tam jany raspaviadajuć, chaj zastaniecca ŭ archivie ich prapahandy», — skazaŭ Juryj Ihnat.
Ciapier čytajuć
Zahinuŭ były palitviazień Alaksiej Laŭkievič. Jaho vyzvalili try miesiacy tamu paśla vizitu Koŭła1
Zahinuŭ były palitviazień Alaksiej Laŭkievič. Jaho vyzvalili try miesiacy tamu paśla vizitu Koŭła
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu3737
Kamientary