Kožny hod sanepidsłužby pravodziać kantrol parkaŭ i plažaŭ i składajuć anłajn-kartu samych «kleščavych» miescaŭ, dzie ludziam varta być asabliva ŭvažlivymi i vykonvać nieabchodnyja zachady zaściarohi.
U Minsku vyjavili 16 terytoryj, dzie kolkaść klaščoŭ pieravyšaje dapuščalnyja normy. Padrabiaznaści pryvodzić Tochka.by sa spasyłkaj na Minski haradski centr hihijeny i epidemijałohii.
Bolš za ŭsio klaščoŭ śpiecyjalisty vyjavili ŭ hetych miescach:
- les na Cnianskim vadaschoviščy,
- Park kamianioŭ,
- Park Civali,
- Antonaŭski park
- park imia Hrekavaj,
- ekaściežka Miadźviežyna,
- ekaściežka «Horad ptušak»,
- Jabłynievy sad i prylehłyja da jaho terytoryi pa vuł. maršała Łosika — vuł. Ju. Siemianiaki i inšyja miescy,
- na 6 plažach Minska.
U Minskim haradskim centry hihijeny i epidemijałohii nahadali, što kiraŭniki subjektaŭ haspadarańnia abaviazanyja na svaich terytoryjach pravieści ŭborku, dobraŭparadkavać zony adpačynku, a taksama vykarystoŭvać dadatkovy mietad baraćby z klaščami — chimičnuju apracoŭku.
Klaščy stali niebiaśpiečniejšymi
Samym raspaŭsiudžanym nastupstvam ukusu moža stać zaražeńnie kleščavym encefalitam i barelijozam (jaho jašče nazyvajuć chvarobaj Łajma). U Biełarusi fiksujecca rost kleščavych infiekcyj: u 2,1 i ŭ 2,4 razu pa encefalicie i Łajm-barelijozie adpaviedna, śviedčyć statystyka za minuły hod.
Bolš za ŭsio vypadkaŭ kleščavoha encefalitu rehistrujecca ŭ Hrodzienskaj i Bresckaj abłaściach — da 70% ad ahulnaj kolkaści pa krainie. Akramia taho, byli vypadki zaražeńnia nie tolki praz ukus klašča, ale i pry ŭžyvańni syroha kazinaha małaka: 19 takich pacyjentaŭ za minuły hod.
Simptomy kleščavoha encefalitu — mocny hałaŭny bol, dryžyki, młosnaść i vanity, nyjučyja boli ŭ rukach i nahach. Lichamanka moža doŭžycca 4-5 dzion, potym stan palapšajecca, ale za hety čas, na praciahu niekalkich tydniaŭ, paškodžvajucca mazhavyja abałonki.
Zachvorvańnie moža pryvieści da invalidnaści: pakolki paškodžanaja niervovaja sistema, heta pahražaje epilepsijaj, parušeńniem krovazvarotu, pamiaci, myśleńnia, usprymańnia. Z-za paškodžańnia mozhu ciarpić i dychalnaja sistema, što moža pryvieści da śmiarotnaha zychodu.
Chvaroba Łajma vyjaŭlajecca sypam na skury, hałaŭnym bolem, vysokaj tempieraturaj, vanitami, a taksama paražeńniem niervovaj i sardečna-sasudzistaj sistem, aporna-ruchalnaha aparata.
Kali lačeńnie budzie pačataje svoječasova, to nastupstvaŭ pieraniesienaj infiekcyi moža praktyčna nie naziracca. Ale niaredka pry surjoznych nieŭrałahičnych i sustaŭnych paražeńniach poŭnaha vyzdaraŭleńnia moža i nie zdarycca, mahčymaja invalidnaść.
Ciapier čytajuć
«Ja nie prysvojvaŭ sabie miljon». 17‑hadovy błohier z Hrodna, jaki źbiraŭ hrošy na lačeńnie dziciaci, raspaviadaje svaju viersiju1
«Ja nie prysvojvaŭ sabie miljon». 17‑hadovy błohier z Hrodna, jaki źbiraŭ hrošy na lačeńnie dziciaci, raspaviadaje svaju viersiju
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie6666
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie66
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały88
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały8
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1717
Kamientary