U hučnaj apieracyi na terytoryi Rasii, mahčyma, udzielničaŭ biełaruski dobraachvotnik «Janki»
Vyhladaje, što razam z Ruskim dobraachvotnickim korpusam u Biełharodskuju vobłaść zachodziŭ i viadomy biełaruski vajar.
Dniami niekalki atradaŭ rasijskich dobraachvotnikaŭ pierajšli miažu Ukrainy z Rasijaj i na niejki čas zachapili pahraničny punkt i prysiełki horada Hrajvarana ŭ Biełharodskaj vobłaści.
Apieracyja pakazała niazdolnaść Rasii achoŭvać ułasnyja miežy. Z boku bajcoŭ Ruskaha dobraachvotnickaha korpusa situacyja abyhryvałasia jak viartańnie na radzimu z metaj vyzvaleńnia Rasii ad pucinskaj tyranii. Padobna da taho, što ŭ nabiehu na terytoryju Rasii ŭdzielničaŭ znakamity biełaruski dobraachvotnik Ihar Jankoŭ, viadomy pad pazyŭnym «Janki».
Sam bajec admoviŭsia kamientavać «Našaj Nivie» svoj udzieł u apieracyi, ale adpaviednuju vysnovu možna zrabić, kali pahladzieć kantent, jaki jon publikuje ŭ sacsietkach.
U svaim akaŭncie ŭ instahramie «Janki» raźmiaściŭ rolik pabracima, jaki zmantavaŭ videa z kadraŭ, źniatych na terytoryi Rasii.
Na videa adznačany «Janki», a taksama jaho možna ŭbačyć na adnym z kadraŭ nasuprać techniki, jakaja fihuravała ŭ paviedamleńniach ŚMI ab padziejach u Biełharodskaj vobłaści.
Ciapier čytajuć
Pratasievič znoŭ ženicca — ciapier z tarołaham Nastaśsiaj, jakaja pracavała ŭ elitnym miedcentry «Miersi»40
Kamientary