Lehijon «Svaboda Rasii» pakazaŭ VIDEA pra svoj rejd na Biełharodčynu
Lehijon «Svaboda Rasii» apublikavaŭ videa, jakoje, jak śćviardžajecca, źniali 22 maja padčas sumiesnaha z «Ruskim dobraachvotnickim korpusam» rejdu ŭ Biełharodskuju vobłaść
Kamandzir Lehijona zajaviŭ, što bajcam padraździaleńnia ŭdałosia ŭziać u pałon niekalkich supracoŭnikaŭ FSB.
Paviedamlajecca, što padčas dyviersii ŭ Biełharodskaj vobłaści padraździaleńni rasijskich dobraachvotnikaŭ stracili dvuch čałaviek zabitymi i 10 paranienymi.
Na videa bačna, jak vajskoŭcy (jak śćviardžajecca, padraździaleńni rasijskaj armii) chavajucca ŭ žyłym domie, pa jakim nanosicca ŭdar.
22 maja lehijon «Svaboda Rasii» i «Ruski dobraachvotnicki korpus» zajavili pra toje, što jany ŭvajšli ŭ Biełharodskuju vobłaść i «vyzvalili» niekalki nasielenych punktaŭ.
Rasijskija ŭłady zajavili, što ŭ vobłaść pranikła ŭkrainskaja DRH. Paviedamlałasia pra niekalkich paranienych mirnych žycharoŭ. Źjaŭlałasia taksama infarmacyja ab udarach pa budynkach MUS i FSB u Biełharadzie.
Hazieta «Kamiersant» sa spasyłkaj na MUS napisała, što pad abstreł siarod inšaha patrapiła i vajskovaja čaść. Pry hetym nibyta zahinuli dvoje vajskoŭcaŭ, jašče čaćviora paranienyja. Heta, jak śćviardžajecca, zdaryłasia ŭ vajskovym haradku Biełharad-22, što znachodzicca ŭ Hrajvaranskim rajonie vobłaści. Pa čaści z boku Ukrainy vypuścili try snarady reaktyŭnaj sistemaj załpavaha ahniu «Urahan».
U hučnaj apieracyi na terytoryi Rasii, mahčyma, udzielničaŭ biełaruski dobraachvotnik «Janki»
«Chaču dakazać, što z tyranam možna vajavać». Kamandzir RDK raspavioŭ pra bajavyja dziejańni ŭ Biełharodskaj vobłaści
U vyniku ataki ŭ Biełharodskaj vobłaści paranienyja 12 čałaviek, žychary 9 nasielenych punktaŭ «adsielenyja» — hubiernatar
Ciapier čytajuć
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy1919
Kamientary