Kino11

Takiešy Kitana suprać usich. Film «Kubi» («Šyja») — žorstkaja raźnia, u jakoj nichto nie varty spačuvańnia

Na Kanskim kinafiestyvali prezientavali film Takiešy Kitana, jaki 76-hadovy režysior nazvaŭ apošnim u svajoj karjery. «Kubi» — heta žorstkaje, kryvavaje i zmročna-viasiołaje vidovišča. Jano pierakručvaje žanr samurajskaha epasu, zhodna ź jakim samurai pavinny vyhladać doblesna, i robić jaho varvarskim i iraničnym.

Kubi by Takeshi Kitano
Scena ź filma «Kubi» («Šyja»). Fota: Kadokawa

Ad strymanaści ŭ pakazie hvałtu, jakaja była ŭłaścivaja pieršym filmam režysiora, u «Kubi» nie zastałosia ničoha. Novy film Takiešy Kitana pačynajecca z pakazu biezhałovaha cieła, trachieju jakoha vyjadajuć kraby. Hety płan adrazu zadaje ton: film budzie nie nadta paetyčny. Hledača čakaje žudasnaja, brudnaja, ahidnaja dvuchhadzinnaja saha, u jakoj adsiakajuć hałovy, spalvajuć siabie i źvierstvujuć, źvierstvujuć, źvierstvujuć.

Zasnavany na ramanie samoha ž Takiešy Kitana, jaki vyjšaŭ u 2019 hodzie, histaryčny film raspaviadaje pra sapraŭdny epizod u historyi Japonii, kali znakamity vojenačalnik Oda Nabunaha byŭ zabity ŭ chramie Kijota ŭ 1582 hodzie.

Pa siužecie va ŭładańniach Oda Nabunahi paŭstaje adzin ź jaho vasałaŭ, Araki Murasihe. Biaźlitasny ŭładar zahadvaje svaim vojenačalnikam, siarod jakich Micuchide (jaho ihraje Chidetosi Nisidzima, vykanaŭca hałoŭnaj roli ŭ filmie «Siadaj za rul majoj mašyny»), vysačyć paŭstanca, abiacajučy, što «toj, chto budzie najlepš staracca», atrymaje ŭ spadčynu tron.

Naturalna, hetaje abiacańnie — chłuśnia, u filmie šmat chłuśni. Zmoŭščyki, špijony, ašukancy, ludzi z padvojnym dnom — heta amal usie hieroi «Kubi».

Dziejańnie adbyvajecca ŭ śviecie, dzie kirujuć siła i hvałt. Nabunaha, vialiki ŭładar, pakazany raśpieščanym varjatam, jakomu padabajecca hladzieć na čałaviečaje prynižeńnie i navat na śmierć. Jaho prydvornyja biaskonca platuć intryhi. Piersanažaŭ šmat, ale va ŭsich adna meta: atrymać uładu, navat kali heta aznačaje zabić i zdradzić usim, kamu možna. Ad sielanina, jaki maryć stać hienierałam, da samuraja, jaki choča ŭzyści na tron, — usie pryśviačajuć svajo isnavańnie niedarečnamu žadańniu, ale, kali chto i dasiahaje hetaj mety, pieramoha byvaje niadoŭhaj.

Kubi by Takeshi Kitano
Scena ź filma «Kubi» («Šyja»). Fota: Kadokawa

Hałoŭnyja fihury filma — Nabunahi, Murasihe i Micuchide — uciahnutyja ŭ svajho rodu luboŭny trochkutnik, ale pakaz hetych adnosin nie vytančany. Abiacańnie viernaj lubovi tut moža być tolki prynadaj i pažadlivaściu, a seks — tolki zbrojaj i prahaj da ŭłady. Naohuł usie kaštoŭnaści, za jakimi chavajucca piersanažy, tolki dla taho, kab pramaŭlacca, ale nikoli ich nichto nie prytrymlivajecca. Navat kali niechta zachoča zrabić pa-sapraŭdnamu śmieły ŭčynak — ź jaho pakpiać tyja ž, chto prasiŭ jaho pra hety ŭčynak.

Humar u filmie — z samych zmročnych, i heta metanakiravanaja sproba sapsavać ramantyzavanyja ŭjaŭleńni, što achutvajuć samurajaŭ. Kitana ź vialikim zadavalnieńniem vystaŭlaje napakaz ich mužčynskija tajamnicy.

Nazva filma, jakaja aznačaje «Šyja», źviazana z paniaćciem «kubi bukora» (abo «miaška na šyi») — svojeasablivaha košyka ź sietki, u jakim samurai nasili adsiečanuju hałavu ŭ jakaści dokazu. Pa miery taho, jak u filmie źjaŭlajecca ŭsio bolš i bolš piersanažaŭ (sialanie, artysty, bandyty), ich historyi źviazvaje razam biaźlitasnaje žadańnie hierojaŭ uźleźci na fieadalnuju ijerarchiju praz akt abiezhałoŭlivańnia. Pamiraje ŭ filmie tak šmat ludziej, što ciažka ŭspomnić, chto kaho zabiŭ, a pastajannyja zmovy i zdrady źmianiajucca ŭ ramkach adnoj i toj ža razmovy.

Film Takiešy Kitana nie daść hledaču ni nadziei, ni katarsisu, sceny hvałtu šmat kamu zdaducca nie tolki zachaplalnymi, ale i adnolkavymi.

Vidavočna, režysior chacieŭ pakazać absurdnaść biessensoŭnaha pralićcia kryvi, a taksama brudny bok ułady i zavajavańniaŭ. Ale ci zdolny hety abo luby inšy film sapraŭdy źmianić niečaje ŭsprymańnie hvałtu, asabliva kali kamiera litaralna im «začaravanaja»? Hetaje pytańnie zastajecca adkrytym.

Čytajcie jašče:

«Apałaje liście»: Aki Kaŭryśmiaki znoŭ na vialikim ekranie, i hetaje viartańnie — padarunak dla hledačoŭ

«Viartańnie ŭ Sieuł»: niesientymientalnaja drama pra pošuk baćkoŭ i identyčnaści

BlackBerry: kranalnaja drama-bajopik pra ŭźlot i padzieńnie madeli smartfona, papularnaj u 2000-ja

Što pahladzieć. «Santechniki Biełaha doma» — palityčnaja satyra na padstavie realnych padziej

Kamientary1

  • Chvorbz
    28.05.2023
    Ech,žal Ostap Ibrahimovič Biendier nie doždałsia ekranizacii svojeho bieśśmiertnoho proiźviedienija,

Ciapier čytajuć

Sotni rubloŭ, kab efiektna daviedacca poł budučaha dziciaci: biełarusy robiać usio bolš maštabnyja hiendar-paci3

Sotni rubloŭ, kab efiektna daviedacca poł budučaha dziciaci: biełarusy robiać usio bolš maštabnyja hiendar-paci

Usie naviny →
Usie naviny

Pahladzicie, jak upryhožać Kastryčnickuju płošču da 9 maja FOTA24

U Kitai prajšoŭ paŭmarafon z udziełam robataŭ i ludziej. U ludziej atrymałasia lepš

Znakamituju kryvuju carkvu ŭ Kažan-Haradku ramantujuć sajdynham i šłakabłokami FOTY9

Vielikodnaje pieramirje skončyłasia, Rasija znoŭ zapuskaje bieśpiłotniki i rakiety

Tramp: Spadziajusia, Rasija i Ukraina dasiahnuć pahadnieńnia na hetym tydni5

Hałoŭčanka parazvažaŭ, čamu biełarusy ličać ceny ŭ dalarach, a rasiejcy — nie13

Zialenski prapanuje Rasii padoŭžyć zabaronu na dalnabojnyja ŭdary na 30 dzion

Italjaniec pierajechaŭ u biełaruskuju viosku i pačaŭ piačy sapraŭdnuju picu na drovach7

Bramnika «Dynama», jakomu kidaŭ šajby Łukašenka, nie puścili na lod «praz parušeńnie režymu»1

bolš čytanych navin
bolš łajkanych navin

Sotni rubloŭ, kab efiektna daviedacca poł budučaha dziciaci: biełarusy robiać usio bolš maštabnyja hiendar-paci3

Sotni rubloŭ, kab efiektna daviedacca poł budučaha dziciaci: biełarusy robiać usio bolš maštabnyja hiendar-paci

Hałoŭnaje
Usie naviny →

Zaŭvaha:

 

 

 

 

Zakryć Paviedamić