Śpiavačka abviaściła, što jaje vystupy ŭ Jeŭropie nie adbuducca, i vybačyłasia pierad prychilnikami.
Kanadskaja śpiavačka Sielin Dyjon admianiła ŭsie kancerty ŭ Jeŭropie, jakija pavinny byli prajści ŭ ramkach jaje suśvietnaha turne, z-za redkaha nieŭrałahičnaha zachvorvańnia, piša The Guardian. Vystupy, zapłanavanyja na 2023 i 2024 hady, nie adbuducca.
«Mnie škada chvalavać usich vas iznoŭ. Ja vielmi staranna pracuju nad adnaŭleńniem svaich sił, ale turne moža być vielmi ciažkim, navat kali ty zdarovy na 100%. Było b niesumlenna praciahvać pieranosić kancerty, i choć heta raźbivaje mnie serca, nam lepš admianić usio ciapier, pakul ja nie budu sapraŭdy hatovaja znoŭ źjavicca na scenie. Ja chaču, kab usie vy viedali: ja nie zdajusia, i ja nie mahu dačakacca, kali ŭbaču vas iznoŭ», — havorycca ŭ zvarocie 55-hadovaj śpiavački da prychilnikaŭ.
U kancy 2022 hoda stała viadoma, što ŭ Sielin Dyjon dyjahnastavali vielmi redkaje nieŭrałahičnaje zachvorvańnie — sindrom myšačnaj skavanaści. Jano sustrakajecca prykładna ŭ adnaho čałavieka na miljon. Simptomy zachvorvańnia — mocnyja spazmy i skavanaść, što narastaje z časam. Całkam vylečyć sindrom pakul niemahčyma.
Litoviec Vitalijus Mockus zaniaŭ pasadu Stryžaka ŭ «Bajsole». Chto heta taki?34
Kamientary