«Kamisija pa ŭciekačach» pačała razhladać kiejsy spartsmienaŭ, jakija spačatku nie padtrymali hvałt, a paśla «raskajalisia»
Kamisija pa razhladzie zvarotaŭ hramadzian Biełarusi, jakija znachodziacca za miažoj na čale z hienprakuroram Andrejem Šviedam siarod inšaha pačała razhladać i «mahčymaść viartańnia da prafiesijnaj dziejnaści asobnych spartsmienaŭ pa zapycie adpaviednych fiederacyj». Heta pytańnie razhladałasia na apošnim pasiadžeńni kamisii, vynikaje z čarhovaha paskvila, nadrukavanaha prapahandystam Andrejem Mukavozčykam u «SB».
Adznačajecca, što «tak jak sprava novaja, to razhledzieli nie ŭsie — častku pytańniaŭ pieranieśli da atrymańnia dadatkovaj infarmacyi». Taksama havorycca, što «na kamisiju vyrašyli klikać i ministraŭ, i kiraŭnikoŭ fiederacyj, i paručycielaŭ».
Hetaja sprava niepasredna datyčyć najpierš futbalistaŭ niekalkich kłubaŭ biełaruskaha čempijanatu. U siaredzinie sakavika stała viadoma, što šerah futbalistaŭ BATE, «Niomana» i «Słucka» akazalisia pazbaŭlenymi mahčymaści vystupać za svaje kłuby. Paviedamlałasia, što ŭ ich, praŭda, jość šancy praciahnuć karjeru ŭ hetych kamandach dalej, ale dla hetaha treba prajści «śpiecyjalnuju kamisiju».
Miž tym užo prajšło 10 turaŭ čempijanatu z 28, to-bok bolš za tracinu.
Losam «niadobranadziejnych» futbalistaŭ, jakich nie dapuskajuć da ŭdziełu ŭ čempijanacie Biełarusi, zajmajecca kamisija pa palityčnych uciekačach — «Trybuna»
Na finale Kubka Biełarusi pa futbole naličyli ažno 21 tysiaču hledačoŭ. Ale dzie jany byli?
«Źbierahčy dziaciej ad straty zroku, nastupnaha suicydu». Novy staršynia ABFF raskazaŭ, što źbirajecca rabić ź biełaruskim futbołam
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary