«Камісія па ўцекачах» пачала разглядаць кейсы спартсменаў, якія спачатку не падтрымалі гвалт, а пасля «раскаяліся»
Камісія па разглядзе зваротаў грамадзян Беларусі, якія знаходзяцца за мяжой на чале з генпракурорам Андрэем Шведам сярод іншага пачала разглядаць і «магчымасць вяртання да прафесійнай дзейнасці асобных спартсменаў па запыце адпаведных федэрацый». Гэта пытанне разглядалася на апошнім пасяджэнні камісіі, вынікае з чарговага пасквіля, надрукаванага прапагандыстам Андрэем Мукавозчыкам у «СБ».
Адзначаецца, што «так як справа новая, то разгледзелі не ўсе — частку пытанняў перанеслі да атрымання дадатковай інфармацыі». Таксама гаворыцца, што «на камісію вырашылі клікаць і міністраў, і кіраўнікоў федэрацый, і паручыцеляў».
Гэтая справа непасрэдна датычыць найперш футбалістаў некалькіх клубаў беларускага чэмпіянату. У сярэдзіне сакавіка стала вядома, што шэраг футбалістаў БАТЭ, «Нёмана» і «Слуцка» аказаліся пазбаўленымі магчымасці выступаць за свае клубы. Паведамлялася, што ў іх, праўда, ёсць шанцы працягнуць кар'еру ў гэтых камандах далей, але для гэтага трэба прайсці «спецыяльную камісію».
Між тым ужо прайшло 10 тураў чэмпіянату з 28, то-бок больш за траціну.
Лёсам «нядобранадзейных» футбалістаў, якіх не дапускаюць да ўдзелу ў чэмпіянаце Беларусі, займаецца камісія па палітычных уцекачах — «Трыбуна»
На фінале Кубка Беларусі па футболе налічылі ажно 21 тысячу гледачоў. Але дзе яны былі?
«Зберагчы дзяцей ад страты зроку, наступнага суіцыду». Новы старшыня АБФФ расказаў, што збіраецца рабіць з беларускім футболам
Цяпер чытаюць
Беларусу на 100 гадоў забаранілі ўезд у Расію — за ўдзел у мінскіх маршах 2020 года3
Каментары