«Hrupa padtrymki Ukrainy». U Mahilovie zatrymali traich mužčyn
Videa z zatrymanymi źjaviłasia ŭ dziaržaŭnym kanale Mahilova — «Biełaruś 4».
Spačatku pakazvajuć kadry zatrymańnia 53-hadovaha pradprymalnika Uładzimira Tyčynskaha. Rodam jon z Aršanskaha rajona, ale doŭhi čas žyvie ŭ Mahilovie.
Mužčyna maje ŭłasny biznes pa vytvorčaści ŭvachodnych dźviarej, a taksama firmu ŭ Rasii, jakaja ich pradaje.
Na kadrach, źniatych HUBAZiKam, pakazvajucca «dokazy viny» Uładzimira Tyčynskaha — heta ŭkrainskaja simvolika ŭ aŭto i ŭ jaho doma. Inšaj kankretyki pa tym, što jon rabiŭ, tam niama.
Z Uładzimiram zatrymali dvaich mužčyn, jakich nazyvajuć «hrupaj padtrymki Ukrainy». Pieršy zatrymany kaža, što nibyta «Uładzimir prapanavaŭ źlić źviestki znajomych u «Čornuju knihu Biełarusi», ale jon «admoviŭsia, i z taho času adnosiny razładzilisia». Za što jaho zatrymali — uvohule niajasna.
Druhi zatrymany kaža, što jany z Uładzimiram adnadumcy: «Jon, jak i ja, asudžaje dziejańni Rasii va Ukrainie». Inšaj infarmacyi pra jaho niama.
Dziaržkanał śćviardžaje, što «pravodzicca pravierka», a dziejańniam mužčyn «dajecca pravavaja acenka».
«Naša Niva» — bastyjon biełaruščyny
PADTRYMAĆCiapier čytajuć
Dźmitryj Łukašenka choča pastavić pad kantrol usie mabilnyja telefony11
Kamientary