Saudaŭcy nacelilisia na jašče adnaho topavaha futbalista. Dajuć 100 miljonaŭ jeŭra
Učora pradstaŭniki saudaŭskich kłubaŭ prylacieli ŭ Łondan, kab abmierkavać tranśfier paŭabaroncy «Čełsi» N'Hało Kante.
N'Hało Kante staŭ čempijonam Anhlii z «Lesteram» (2016) i «Čełsi» (2017), vyjhraŭ z łondancami Lihu Jeŭropy (2020) i Lihu čempijonaŭ (2021), staŭ čempijonam śvietu sa zbornaj Francyi (2018). Fota ź jaho instahrama.
Pryčym naviny pra pierachod Kante ŭ Saudaŭskuju Araviju roźniacca.
Fabrysia Ramana napisaŭ, što prapanova pastupiła ad «Al-Itychada» i «Al-Nasra», za jaki hulaje Kryšcijanu Ranałdu. A Rudzi Haleci napisaŭ, što kantrakt užo zaklučany z čempijonam krainy «Al-Itychadam», kudy ŭčora pierajšoŭ Karym Bienziema.
Raniej paviedamlałasia, što zarobak paŭabaroncy ŭ vypadku pierachodu ŭ Saudaŭskuju Araviju moža dasiahnuć 100 miljonaŭ jeŭra ŭ hod, uklučajučy dachody ad imidžavych pravoŭ i kamiercyjnych ździełak.
Sam Kante raniej addavaŭ pryjarytet padaŭžeńniu kantrakta z «Čełsi».
Ciapier čytajuć
Tusk zajaviŭ pra hatoŭnaść adkryć Babroŭniki i Kuźnicu ź listapada55
Kamientary