Kłub, jaki zaniaŭ 9-je miesca ŭ čempijanacie Biełarusi, vystupić u jeŭrakubkach. Jak takoje mahčyma?
Hrodzienski «Nioman» zhulaje ŭ kvalifikacyi Lihi kanfierencyj zamiest «Isłačy», jakaja raniej atrymała heta prava paśla adchileńnia «Šachciora», piša sport5.by.
Niadaŭni skandał sa zdymańniem ačkoŭ i razžałavańniem «Šachciora», a taksama «Enierhietyka-BDU» byccam by adkryŭ darohu ŭ jeŭrakubki prystaličnamu kłubu. Adnak UEFA nie pahadziłasia dapuścić «vaŭkoŭ».
Pa infarmacyi Sport5.by, prablema ŭ tym, što «Isłač» u 2016-m akazałasia zamiašanaj u damoŭnych matčach i pavodle normaŭ UEFA nie moža ŭdzielničać u mižnarodnych hulniach. Aficyjna detali hetaj zabłytanaj historyi abvieściać najbližejšym časam.
Hrodziency stali 9-mi pa vynikach čempijanatu Biełarusi ŭ siezonie-2022, adnak atrymali jeŭrakubkavuju licenziju pa chodzie Kubka Biełarusi — 2022/23, dzie vyjšli ŭ paŭfinał. «Minsk» i «Homiel», jakija zaniali 6-je i 7-je miescy ŭ ČB-2022, nie sprabavali atrymać licenzii da abviaščeńnia ab pakarańni pa spravie «Šachciora», da momantu jakoha prajšli terminy padačy dakumientaŭ. «Tarpieda-BiełAZ», jaki staŭ 8-m u minułym siezonie, zhulaje ŭ Lizie kanfierencyj jak pieramožca Kubka Biełarusi, jak dadaje «Trybuna».
U sioletnim čempijanacie «Nioman» idzie na 2-m miescy.
Losavańnie pačatkovych stadyj Lihi čempijonaŭ, Lihi Jeŭropy i Lihi kanfierencyj projdzie 20-21 červienia. U kvalifikacyi Lihi čempijonaŭ vystupić BATE.
Ciapier čytajuć
Daśledčyki znajšli miesca ŭ Biełarusi, dzie bazujecca «Arešnik»4
Daśledčyki znajšli miesca ŭ Biełarusi, dzie bazujecca «Arešnik»
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2020
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ20
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary