Turaŭskich bykoŭ znoŭ pierasielać. Paleski sieryjał, zdajecca, skončany
Bykoŭ pad Turavam «zavablivajuć smakoćciami», kab sabrać u adnym miescy i pieravieźci.
Byki parody Chiek, jakija akazalisia ŭ pałonie ŭ «vialikaj vady», u bolšaści svajoj pieražyli niezvyčajna doŭhuju pavodku 2023 hoda.
Miascovy žychar raskazaŭ Tochka.by, što byki sapraŭdy zmahli vybracca z abmiežavanaj prastory i ciapier pierasoŭvajucca statkami.
Surazmoŭca naličyŭ 12 hałoŭ i dadaŭ, što prykładna stolki ž adnaviaskoŭcy bačyli ŭ inšym miescy.
Turaŭskich bykoŭ pieraviazuć u zakaźnik
Pa słovach pradstaŭnika Žytkavickaha rajvykankama, vada syšła imkliva. I ciapier bykam ničoha nie pahražaje. Rabotniki tutejšaj haspadarki naličyli 21 žyviołu. Ale, kab vyznačyć dakładnuju kolkaść, žyvioł chočuć sabrać u adnym miescy. Dla hetaha zrabili śpiecyjalny zahon, dzie dziažuryć rabotnik AAT «Turaŭščyna».
«Sprabujem smakoćciami ich pryvabić», — udakładniła krynica.
U dalejšym žyviołu płanujuć pieravieźci ŭ Bresckuju vobłaść. Damoŭlenaść dasiahnuli z administracyjaj bijałahičnaha zakaźnika «Sporaŭskaje».
Pryrodny abjekt zajmaje 19 tysiač hiektaraŭ na terytoryi Biarozaŭskaha, Drahičynskaha, Ivanaŭskaha i Ivacevickaha rajonaŭ. Jon uklučaje najbujniejšy masiŭ nizinnych bałot u pojmie raki Jasieldy.
To-bok turapadobnyja byki praciahnuć vykonvać svaju zadaču na novym miescy — buduć stvarać umovy dla bijaraznastajnaści pojmiennych łuhoŭ, jadučy vysokuju travu i zaraśniki vierbałozu.
Miarkujučy pa ŭsim, tam dla naščadkaŭ staražytnych turaŭ budzie bolš prastory i ježy ŭ vypadku paŭtareńnia maštabnych pavodak. Da taho ž žyvioły apynucca ŭ jašče bolš dzikim asiarodździ ŭdalečyni ad ludziej. Z rostam papulacyi takoje susiedstva moža być niebiaśpiečnym dla čałavieka.
Što turapadobnyja byki robiać na Paleśsi
Piatnaccać bykoŭ pieravieźli ŭ Žytkavicki rajon z łatvijskaha nacyjanalnaha parku «Kiemiery» ŭ 2020 hodzie.
Viasnoj 2023 hoda raźliŭ rek Prypiać i Śćviha pryvioŭ da surjoznaj pavodki. Žyvioły akazalisia adrezanyja vadoj na astraŭkach. Niekatoryja cialaty zahinuli praź niedachop ježy abo ŭ sprobach pierabracca na vialikuju ziamlu ŭpłaŭ.
Sieryjał, za jakim sačyli, zaviaršyŭsia. Ci budzie ŭ jaho druhi siezon, pakaža viasna 2024 hoda.
Ciapier čytajuć
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym24
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary
nu-nu