Viarchoŭny sud Niderłandaŭ pastanaviŭ viarnuć Ukrainie skifskaje zołata z krymskich muziejaŭ. Sprava ciahnułasia dzieviać hadoŭ
Viarchoŭny sud Niderłandaŭ zaćvierdziŭ rašeńnie, pryniataje sudami papiarednich instancyj, ab pieradačy kalekcyi skifskaha zołata z muziejaŭ Kryma Ukrainie.
Kalekcyja skifskaha zołata, jakaja ŭklučaje bolš čym dźvie tysiačy ekspanataŭ z čatyroch krymskich muziejaŭ i adnaho kijeŭskaha, była vystaŭlena ŭ muziei Ałarda Pirsana ŭ Amsterdamie z 7 lutaha pa 31 žniŭnia 2014 hoda. Paśla anieksii paŭvostrava Rasija nastojvała na viartańni kalekcyi, Ukraina asprečyła hetuju pastanovu, nahadvaje telekanał «Dožd́».
U śniežni 2016 hoda akruhovy sud Amsterdama pastanaviŭ viarnuć zołata Ukrainie. U kastryčniku 2021 hoda paśla taho, jak krymskija muziei abskardzili hetaje rašeńnie, jaho zaćvierdziŭ Apielacyjny sud, paśla čaho sprava była nakiravanaja ŭ apošniuju instancyju — u Viarchoŭny sud krainy.
U MZS Rasii pastanovu ab pieradačy skifskaha zołata Ukrainie nazvali palityčna matyvavanaj. «Hałandskija sudździ całkam praihnaravali toj biassprečny fakt, što skifskaje zołata — heta kulturna-histaryčnaja spadčyna narodaŭ Krymskaha paŭvostrava, na jakim byli vyjaŭlenyja hetyja artefakty i jakija jaho nikoli nie pakidali», — zajaviła pradstaŭnica MZS Maryja Zacharava.
Prezident Ukrainy Uładzimir Zialenski, kamientujučy pastanovu Apielacyjnaha suda, zajaviŭ, što heta «doŭhačakanaja pieramoha Ukrainy».
«My zaŭsiody viartajem svajo. Spačatku vierniem skifskaje zołata, a potym i Krym», — skazaŭ Zialenski.
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju88
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju8
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary