Вярхоўны суд Нідэрландаў пастанавіў вярнуць Украіне скіфскае золата з крымскіх музеяў. Справа цягнулася дзевяць гадоў
Вярхоўны суд Нідэрландаў зацвердзіў рашэнне, прынятае судамі папярэдніх інстанцый, аб перадачы калекцыі скіфскага золата з музеяў Крыма Украіне.
Калекцыя скіфскага золата, якая ўключае больш чым дзве тысячы экспанатаў з чатырох крымскіх музеяў і аднаго кіеўскага, была выстаўлена ў музеі Аларда Пірсана ў Амстэрдаме з 7 лютага па 31 жніўня 2014 года. Пасля анексіі паўвострава Расія настойвала на вяртанні калекцыі, Украіна аспрэчыла гэтую пастанову, нагадвае тэлеканал «Дождь».
У снежні 2016 года акруговы суд Амстэрдама пастанавіў вярнуць золата Украіне. У кастрычніку 2021 года пасля таго, як крымскія музеі абскардзілі гэтае рашэнне, яго зацвердзіў Апеляцыйны суд, пасля чаго справа была накіраваная ў апошнюю інстанцыю — у Вярхоўны суд краіны.
У МЗС Расіі пастанову аб перадачы скіфскага золата Украіне назвалі палітычна матываванай. «Галандскія суддзі цалкам праігнаравалі той бясспрэчны факт, што скіфскае золата — гэта культурна-гістарычная спадчына народаў Крымскага паўвострава, на якім былі выяўленыя гэтыя артэфакты і якія яго ніколі не пакідалі», — заявіла прадстаўніца МЗС Марыя Захарава.
Прэзідэнт Украіны Уладзімір Зяленскі, каментуючы пастанову Апеляцыйнага суда, заявіў, што гэта «доўгачаканая перамога Украіны».
«Мы заўсёды вяртаем сваё. Спачатку вернем скіфскае золата, а потым і Крым», — сказаў Зяленскі.
-
Слон з мёртвым сланянём, каёт у Сан-Францыска, пума на агароджы… Вось якія работы сталі сёлетнімі пераможцамі конкурсу «Фатограф года дзікай прыроды»
-
Ілан Маск: Starlink нельга выкарыстоўваць для наступальных дзеянняў, а хуткасць і параметры вайсковых тэрміналаў вызначаюць Пентагон і Трамп
-
Для ўезду ў Казахстан беларусам трэба будзе запытваць пропуск за тры дні
У Эстоніі арыштаваны Алег Маісееў, кажуць яго знаёмыя. Гэта былы кіроўца Ціханоўскай, які з часам стаў яе зацятым крытыкам23
Каментары