Nad Biełaruśsiu pralacieŭ jeŭrapiejski samalot, choć heta zabaroniena sankcyjami
Nad Biełaruśsiu pralacieŭ hramadzianski samalot, jaki nakiroŭvaŭsia z Čarnahoryi ŭ Litvu, zaŭvažyŭ telehram-kanał Motolko.help.
Vyhladaje, što novy maršrut Civat — Vilnia, jaki čarnahorskaja kampanija Air Montenegro zapuściła tolki ŭ kancy maja, vyrašyŭ siońnia skaracić šlach i pralacieć nad terytoryjaj Biełarusi. Pry hetym źmianieńnie kursu palotu nie było apraŭdana drennymi ŭmovami nadvorja na inšych pavietranych kalidorach u Litvu.
Paśla prymusovaj pasadki samalota RyanAir u Miensku, u vyniku jakoha byli zatrymanyja žurnalist Raman Pratasievič i jahonaja siabroŭka Safija Sapieha, urad Litvy zabaraniŭ avijakampanijam ździajśniać rejsy ŭ pavietranaj prastory Biełarusi. Adnak siońnia heta praviła było parušana.
Važna taksama adznačyć, piša kanał, što luby samalot, pralatajučy nad Biełaruśsiu, aŭtamatyčna płacić za karystańnie pavietranaj prastoraj krainy — heta płata za akazańnie aeranavihacyjnych pasłuh. Inšymi słovami, rejsy nad Biełaruśsiu spansujuć dziaržaŭnuju «Biełaeranavihacyju».
Ciapier čytajuć
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii17
Kamientary