Pad Astraŭcom u avaryi zahinuŭ vypusknik biełaruskamoŭnaj vilenskaj himnazii
12 červienia ŭ Astravieckim rajonie zahinuŭ 32-hadovy matacyklist. U milicejskich zvodkach mužčynu nazvali litoŭcam, ale, jak daviedałasia «Naša Niva», achviaraj trahiedyi nasamreč byŭ biełarus.
Imia zahinułaha — Arciom Kaminski. Jon mieŭ litoŭskaje hramadzianstva, ale karani ŭ mužčyny — biełaruskija. Baćki Arcioma, biełarusy, pierabralisia ŭ Vilniu šmat hadoŭ tamu, i ciapier z radzimaj ich źviazvaje chiba što staraja dziadoŭskaja chata ŭ Astravieckim rajonie.
12 červienia Arciom z rodnymi jakraz i naviedvali hetuju chatu, kab uparadkavać terytoryju la jaje. Trahiedyja zdaryłasia, kali siamja ŭžo skiroŭvałasia dachaty: Arciom jechaŭ na matacykle Suzuki, jaho svajaki — na mašynie. Pavodle zvodak, mužčyna ruchaŭsia pa trasie R52 Hoza — Astraviec — Ašmiany, na 15-m kiłamietry trasy Kaminski pačaŭ abhaniać na skryžavańni. U hety momant 35-hadovy kiroŭca aŭtamabila Mazda, jaki ruchaŭsia ŭ tym ža kirunku, staŭ pavaročvać naleva i sutyknuŭsia z matacykłam Kaminskaha. Arciom zahinuŭ na miescy, kiroŭca mašyny nie paciarpieŭ.
Znajomyja Kaminskaha apisvajuć jaho jak duža aściarožnaha čałavieka, tamu dakładna nie zrazumieła, što zdaryłasia na toj trasie. Kiroŭcu Mazda, hramadzianina RF, pryznali nievinavatym u zdareńni.
Arciom skončyŭ Vilenskuju biełaruskuju himnaziju imia Franciška Skaryny, advučyŭsia ŭ miedycynskim univiersitecie ŭ Minsku i pracavaŭ stamatołaham u Vilni. Znajomyja zhadvajuć jaho jak pazityŭnaha čałavieka, aktyvista ŭ školnyja časy. Tady ž, padčas navučańnia, Arciom sustreŭ svaju žonku, taksama biełarusku i navučenku Vilenskaj biełaruskaj himnazii — jana była jaho adnakłaśnicaj.
Z Kaminskim raźvitvajucca ŭ Vilni 15 červienia. Akramia žonki, u mužčyny taksama zastałasia dvuchhadovaja dačka, jakuju jon pachryściŭ dva tydni tamu.
«Naša Niva» — bastyjon biełaruščyny
PADTRYMAĆU Vałožynie kazula vybiła akno kinateatra
Ciapier čytajuć
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać4
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary