U Hiermanii padmanuli spahadlivaha niemca, raspłaciŭšysia ź im starymi biełaruskimi rublami
Pra vypadak z 30-hadovym niamieckim kiroŭcam, jaki staŭ achviaraj padmanu, raskazali ŭ palicyi horada Childeschajma ŭ ziamli Nižniaja Saksonija, paviedamlaje sajt «Biełaruś i śviet».
Jak raskazaŭ niamieckim pravaachoŭnikam 30-hadovy žychar rajona Childeschajm, u subotu 24 červienia kala 11:00—11:30 jon jechaŭ pa trasie i zaŭvažyŭ na ŭzbočynie siamju, jakaja stajała pobač z dvuma lehkavymi aŭtamabilami. Mužčyna z hrupy rabiŭ znaki, pryciahvajučy ŭvahu, tamu kiroŭca spyniŭ svoj aŭtamabil.
Jak raspavioŭ jamu nieviadomy, siamja viartałasia ŭ Bałharyju, ale ŭ jaje skončylisia hrošy na paliva, tamu spahadlivy niemiec vyrašyŭ dapamahčy ludziam i daŭ mužčynu 150 jeŭra najaŭnymi. U abmien ža jon atrymaŭ banknotu naminałam 500 biełaruskich rubloŭ.
Hetaja banknota była z tych, što vyjšli z užytku ŭ vyniku hrašovaj reformy, praviedzienaj u Biełarusi ŭ lipieni 2016 hoda. Siońnia jaje cana pry abmienie ŭ Nacyjanalnym banku składaje ŭsiaho tolki 5 kapiejek.
Padmanuty niemiec apisaŭ mužčynu, jaki prasiŭ dapamahčy: u taho ciomnyja vałasy, biełaja kašula, barada, spartyŭny ciełaskład. Jaho supravadžali jašče adzin mužčyna, žančyna i dzicia. Mašyny, pobač ź jakimi jany stajali, jak miarkujecca, — sierabrysty Mercedes i sini BMW. Pravaachoŭniki viaduć rasśledavańnie.
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary