«Pryniaty rašeńni adnosna ŭzmacnieńnia našaj abarony ŭschodniaj miažy» — Jarasłaŭ Kačyński
U Polščy ŭ suviazi z čakanym raźmiaščeńniem u Biełarusi PVK «Vahnier» praviali pazačarhovaje pasiadžeńnie miascovaha Kamiteta biaśpieki i pryniali rašeńnie ŭzmacnić abaronu ŭschodniaj miažy krainy. Pra heta paviedamiŭ vice-premjer Polščy Jarasłaŭ Kačyński, piša Onet.pl.
«U Biełarusi novaja situacyja. Prysutnaść tam hrupy «Vahnier». My ličym, što heta budzie kala vaśmi tysiač sałdat. Heta niebiaśpiečny dla Ukrainy elemient, patencyjna niebiaśpiečny dla Litvy i moža być niebiaśpiečny dla nas. Heta moža aznačać novy etap hibrydnaj vajny. Tamu byli pryniaty rašeńni adnosna ŭzmacnieńnia našaj abarony ŭschodniaj miažy», — zajaviŭ Jarasłaŭ Kačyński paśla zakančeńnia pasiadžeńnia Kamiteta biaśpieki.
Pad «uzmacnieńniem», jak patłumačyŭ Kačyński, razumiejecca «pavieličeńnie sił, jakija buduć tam pastajanna prysutničać, a taksama pavieličeńnie pieraškod i ŭmacavańniaŭ, jakija pavinny abaraniać miažu ŭ vypadku napadu».
Kankretnych ličbaŭ jon nie nazvaŭ, ale hetaje ŭzmacnieńnie «pavinna być surjoznym».
Pry hetym Jarasłaŭ Kačyński padkreśliŭ, što imaviernaść ataki ź biełaruskaha boku ŭsio ž taki pakul aceńvajecca jak «małaimaviernaja»,
ale «palityka biaśpieki pa svajoj pryrodzie aryjentavanaja na samyja horšyja scenary, i, kirujučysia hetym pryncypam, my pavinny byli prymać takija rašeńni».
Kačyński zapeŭniŭ: «My budziem hatovyja adbivać napady navat takoj niebiaśpiečnaj i rašučaj hrupoŭki».
Čytajcie taksama:
U Biełym domie prakamientavali, ci byŭ miaciež «Vahniera» tolki prykryćciom dla jaho pierajezdu ŭ Biełaruś
«Ludziej prymušali dumać, što ničoha nikoli nie źmienicca». Chto taki antykamunist Łasła Krasnaharkai, jaki atrymaŭ Nobieleŭskuju premiju pa litaratury?99
Kamientary