Ad 700 da 7000 dalaraŭ u miesiac. Što za katedžy i pačym zdajuć u Minsku ŭ doŭhaterminovuju arendu
Pahladzieli, jakija katedžy i pa jakich cenach zdajuć u doŭhaterminovuju arendu ŭ Minsku i vakolicach. Varyjanty — ad damoŭ z ramontam z 90-ch da šykoŭnych siadzib z tenisnym kortam.
Z basiejnam i łaźniaj
Naprykład, za takija hrošy možna arandavać dom u vioscy Drazdova, što za 1,5 km ad MKAD.
Ahulnaja płošča draŭlanaha doma — 150 «kvadrataŭ». U domie jość 4 žyłyja pakoi, basiejn i łaźnia, na dvary jość miesca dla barbiekiu. Dom całkam hatovy da pražyvańnia, jość paravoje aciapleńnie na hazie.
Ale, hledziačy pa interjerach, jon bolš pachodzić na dom, u jakim chočacca žyć tolki pa vychodnych i padčas vakacyj.
Mini-katedž
Vełkam u 90-ja
Roŭna za 1000 dalaraŭ zdajuć u arendu vielizarny katedž u Valarjanavie. Ahulnaja płošča budynka — 360 m².
Zvonku pa svaim razmachu dom vyhladaje, jak i mnohija katedžy, jakija pačali budavać u 90-ch. Ale ramont u domie daloka nie šykoŭny. Navat pa mierkach tych samych dzievianostych i nulavych.
Usiaho ŭ domie 5 žyłych pakojaŭ, jość kaminny pakoj. Kuchnia z vychadam u stałovuju. Na ŭvieś dom 3 sanvuzły.
Dom z kulturnymi i dobrazyčlivymi susiedziami
U krokavaj dasiažnaści — Cnianskaje vadaschovišča
Za 1300 dalaraŭ zdajuć jašče adzin vielizarny katedž, jaki znachodzicca ŭ miežach Minska. Dakładnaja płošča budynka nieviadomaja, ale pa fota bačna, što dom prastorny.
Zdajecca dom biez mebli. Haspadar u apisańni paznačyŭ, što ŭ krokavaj dasiažnaści ad doma — Cnianskaje vadaschovišča.
Interjery ŭ domie nie samyja sučasnyja. Na stoli možna ŭbačyć kasitony.
Basiejn i łaźnia na cokalnym paviersie
«Dom raniej u arendu nie zdavaŭsia, u im žyli tolki ŭłaśniki. Šukajem arandataraŭ biez chatnich žyvioł», — paznačana ŭ apisańni.
Dom z ułasnaj trenažornaj załaj
Što tyčycca samych darahich prapanoŭ pa arendzie katedžaŭ, to ŭ Minsku i rajonie jość dva damy pa 7 tysiač dalaraŭ za miesiac.
Dom z tenisnym kortam
Jak paznačana ŭ apisańni da abjekta, na terytoryi katedža mieścicca basiejn i tenisny kort. Ahulnaja płošča — 500 «kvadrataŭ».
Zychodziačy z apisańnia da abjekta, možna pryjści da vysnovy, što ŭ hetym miescy ahienctva, jakoje raźmiaściła abjavu, maje adrazu niekalki elitnych katedžaŭ, jakija zdajucca ŭ arendu, bo havorycca pra ich u množnym liku.
Katedž na 1000+ kvadrataŭ
Dom byŭ pabudavany ŭ 2010 hodzie. Jaho ahulnaja płošča składaje bolš za 1000 «kvadrataŭ», a žyłaja — 614. Tolki kuchnia zajmaje 43,4 m².
Interjery vykanany ŭ kłasičnym styli. Dom całkam meblavany, abstalavany technikaj i hatovy dla kamfortnaha žyćcia i adpačynku.
Čytajcie taksama:
Spatrebiłasia try hady i $200 000. Jak vyhladaje niezvyčajny dom-ziamlanka biełaruskaha architektara
Pradajuć kvateru za 750 tysiač dalaraŭ u minskaj «stalincy» na Braniavym
Vakoł Minska vystavili na prodaž rekordnuju kolkaść damoŭ
Bližejšym časam buduć vyzvaleny bolš za 150 palitźniavolenych39
Kamientary