Usio ž taki boju pamiž Maskam i Cukierbierham być. Jon moža adbycca ŭ niezvyčajnym miescy
Iłan Mask zajaviŭ u tvitary, što jaho boj z Markam Cukierbierham moža adbycca ŭ Kaliziei. U jakaści miesca praviadzieńnia mierapryjemstva razhladaŭsia Łas-Viehas.
Darečy, u Łas-Viehasie jość teatr «Kaliziej», za asnovu jakoha pry budaŭnictvie byli ŭziatyja aryhinalnyja pabudovy Staražytnaha Ryma.
Mask taksama vykłaŭ uryvak z kamiedyjnaha filma pra Kaliziej z podpisam: «Mnie treba papracavać nad vynoślivaściu».
Treniravać Maska da boju budzie trochrazovy ŭładalnik čempijonskaha pojasa UFC Žorž Sen-Pjer. Tym časam biznesmien pravioŭ treniroŭku z navukoŭcam Leksam Frydmanam, u jakoha čorny pojas pa džyu-džytsu.
«Ja nadzvyčaj uražany jaho siłaj, mahutnaściu i ŭmieńniem dziejničać jak na nahach, tak i na padłozie. Heta było epična. Toje, jak Iłan i Mark zajmajucca bajavymi mastactvami, sapraŭdy natchniaje», — padpisaŭ Frydman fota sparynhu.
Pra mahčymy boj dvuch tytanaŭ internetu stała viadoma na minułym tydni.
Mask 22 červienia apublikavaŭ paviedamleńnie ŭ tvitary, što jon «hatovy da bojki ŭ kletcy» z Cukierbierham. Na heta Cukierbierh, kiraŭnik Meta, maciarynskaj kampanii fejsbuka i instahrama, apublikavaŭ skrynšot tvita Maska z kamientarom: «Paviedamicie, dzie sustreniemsia».
Na pytańnie Cukierbierha Mask dasłaŭ adkaz: «Aktahon (arena-vaśmikutnik) u Viehasie».
Na nastupny dzień u tvitar pryjšła mama Maska i skazała, što boj budzie admienieny.
Ale zdajecca, jaje nichto nie słuchaje.
Ciapier čytajuć
Staŭ hierojem Mahiloŭskaha ŭniviera, źbiraŭ falkłor, pracavaŭ na biełarusizacyju sadkoŭ — raskazvajem pra Jaŭhiena Bojku, asudžanaha za salidarnaść z palitviaźniami77
Kamientary
šou mast hou on