Ukrainca asudzili na čatyry z pałovaj hoda turmy za napad na biełarusa ŭ Polščy
U Lublinie vynieśli prysud 35-hadovamu ŭkraincu Maksimu V., jakoha abvinavačvali ŭ napadzie z nažom i kradziažy rečaŭ biełarusa. Polski sud paličyŭ, što hramadzianin Ukrainy vinavaty ŭ pryčynieńni ciažkich cialesnych paškodžańniaŭ, jak paviedamlaje vydańnie Most.
Prysud Lublinskaha suda byŭ vyniesieny ŭ kancy červienia 2023 hoda, a pasiadžeńni pa spravie praciahvalisia ź siaredziny krasavika.
Abvinavačany hramadzianin Ukrainy nastojvaŭ, što ŭ incydencie vinavataja vajna, jakuju raźviazaŭ pucinski režym. Taksama ŭkrainiec prasiŭ u suda apraŭdać jaho i nakiravać na vajnu.
Padčas sudovaha pracesu była źmienienaja kvalifikacyja dziejańniaŭ abvinavačanaha ŭkrainca: jaho abvinavačvali ŭ pryčynieńni škody zdaroŭju, a nie ŭ zamachu na zabojstva.
U vyniku Maksima V. asudzili da čatyroch z pałovaj hoda pazbaŭleńnia voli. Akramia taho, padsudny pavinien vypłacić paciarpiełamu 10 tysiač złotych. Ciaham piaci hadoŭ jon nie zmoža nabližacca da paciarpiełaha biełarusa bližej, čym na 20 mietraŭ.
Zdareńnie adbyłosia 1 sakavika 2022 hoda ŭ vioscy Kazłoŭka niedzie za 30 kiłamietraŭ ad Lublina. Biełarus Jaŭhien B. pryjechaŭ na zarobki, u toj miascovaści jon pavinien byŭ adbyć karancin. Maksim V. žyŭ u tym samym domie. Pa viersii prakuratury, kali biełarus pieranosiŭ rečy z adnaho pakoja ŭ inšy, na jaho napaŭ abvinavačany, jaki nanios udar nažom u śpinu, ale trapiŭ u plačo. Jaŭhien adšturchnuŭ napadnika, ale abvinavačany praciahvaŭ atakavać dalej. Paciarpieły zmoh pierakulić stoł, zatrymać napadnika, uciačy z domu i paprasić pra dapamohu.
Palicejskija zatrymali Maksima adrazu ž paśla incydentu. U jaho pry sabie znajšli rečy, jakija naležać biełarusu: telefon, kašalok z najaŭnymi i dakumientami. Kali ŭ jaho zapatrabavali rastłumačyć situacyju, to toj adkazaŭ: «Heta za vajnu». Ukrainiec raskazaŭ śledčym, što svarka adbyłasia praz vajnu. Pavodle jaho, biełarus admaŭlaŭ, što rasijskija vojski napali na Ukrainu taksama i ź Biełarusi.
Ciapier čytajuć
Ministr kultury vyciahnuŭ u efir čarhovaha Astapa Bendara. I heta stała apošniaj kroplaj: suprać hetaha fiermiera-chvalka vystupiła siamja4
Kamientary