Pad Čavusami 11-hadovy školnik zapiakaŭ bulbu — zhareła piać pabudoŭ
Piać zharełych haspadarčych pabudoŭ, paškodžanyja chleŭ i častkova dach žyłoha doma — takija nastupstvy pažaru, jaki adbyŭsia 3 lipienia ŭ vioscy Biasčyńnie Čavuskaha rajona, jak paviedamlaje MNS.
Dniom u słužbu MNS patelefanavali ŭschvalavanyja susiedzi: pałali haspadarčyja budynki, a ahoń užo dabraŭsia da dachu dačnaha doma 62-hadovaj piensijanierki.
Padraździaleńni MNS apieratyŭna ŭtajmavali stychiju, nie daŭšy połymiu źniščyć žyllo. Adnak ahoń užo paśpieŭ źniščyć pabudovy i paškodzić dach dačy. Bałazie, nichto nie paciarpieŭ.
Jak vyśvietliłasia, na letnija kanikuły da babuli na lecišča z Rasii pryjechaŭ 11-hadovy ŭnuk. U internecie chłopčyk ubačyŭ, jak zapiakajuć bulbu ŭ vohniščy, i vyrašyŭ paŭtaryć heta na babulinym padvorku.
Kali ekśpierymient nie atrymaŭsia i bulba zhareła, chłopiec straciŭ cikavaść da svajoj zadumy i zaniaŭsia inšymi spravami. Voś tolki, jak vyjaviłasia, zhareła nie tolki bulba: pakinuty biez nahladu ahoń chutka pierakinuŭsia na budynki i pryvioŭ da pažaru.
Ciapier čytajuć
«Abmiarkoŭvajem pytańnie ab vyzvaleńni jašče 1300 źniavolenych». Tramp raskazaŭ, pra što havaryŭ z Łukašenkam27
Kamientary