Пад Чавусамі 11-гадовы школьнік запякаў бульбу — згарэла пяць пабудоў
Пяць згарэлых гаспадарчых пабудоў, пашкоджаныя хлеў і часткова дах жылога дома — такія наступствы пажару, які адбыўся 3 ліпеня ў вёсцы Бясчынне Чавускага раёна, як паведамляе МНС.
Днём у службу МНС патэлефанавалі ўсхваляваныя суседзі: палалі гаспадарчыя будынкі, а агонь ужо дабраўся да даху дачнага дома 62-гадовай пенсіянеркі.
Падраздзяленні МНС аператыўна ўтаймавалі стыхію, не даўшы полымю знішчыць жыллё. Аднак агонь ужо паспеў знішчыць пабудовы і пашкодзіць дах дачы. Балазе, ніхто не пацярпеў.
Як высветлілася, на летнія канікулы да бабулі на лецішча з Расіі прыехаў 11-гадовы ўнук. У інтэрнэце хлопчык убачыў, як запякаюць бульбу ў вогнішчы, і вырашыў паўтарыць гэта на бабуліным падворку.
Калі эксперымент не атрымаўся і бульба згарэла, хлопец страціў цікавасць да сваёй задумы і заняўся іншымі справамі. Вось толькі, як выявілася, згарэла не толькі бульба: пакінуты без нагляду агонь хутка перакінуўся на будынкі і прывёў да пажару.
-
У Пружанах са стралянінай затрымлівалі кіроўцу без правоў
-
«Дзяўчына недзе праз сем секунд ужо пікіравала без пілота». Сябар дэльтапланерыста, які разбіўся ў Строчыцах, расказаў, што прывяло да трагедыі
-
«Парваў сабе дыяфрагму і кішкі, наноў вучыўся хадзіць». Унук аўтара «Калыханкі» Васіля Раінчыка распавёў, як трапіў у страшную аварыю
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы74
Каментары