Prezidenty Polščy, Litvy i Łatvii papiaredzili NATO pra pahrozu z boku Biełarusi
U liście try lidary zajaŭlajuć, što supracoŭnictva pamiž Maskvoj i Minskam padryvaje biaśpieku rehijona i ŭsioj jeŭraatłantyčnaj prastory.
Prezident Litvy Hitanas Naŭsieda razam z polskim i łatvijskim kalehami Andžejem Dudam i Ehiłsam Levitsam napisali list hiensakrataru NATO Jensu Stołtenbierhu, u jakim papiaredžvajuć pra pahrozu z boku Biełarusi. List raspaŭsiudziła pres-słužba litoŭskaha prezidenta.
U liście try lidary zajaŭlajuć, što supracoŭnictva pamiž Maskvoj i Minskam padryvaje biaśpieku rehijona i ŭsioj jeŭraatłantyčnaj prastory.
Prezidenty adznačajuć, što Rasija vykarystoŭvaje terytoryju Biełarusi i jaje resursy dla svajoj ahresiŭnaj vajny suprać Ukrainy, što śviedčyć ab usio bolš ciesnaj vajskovaj intehracyi pamiž dźviuma krainami.
«Jaje niadaŭniaj prajavaj stała raźmiaščeńnie taktyčnaj jadziernaj zbroi na terytoryi Biełarusi. Heta eskałacyjny krok u kantekście vajny va Ukrainie i pramaja pahroza biaśpiecy našaj supolnaści. Heta jašče adno hrubaje parušeńnie asnovatvornaha akta Rasija — NATO i žyvy dokaz taho, što hety dakumient bolš nie dziejničaje», — havorycca ŭ liście.
Naŭsieda, Duda i Levits taksama papiaredžvajuć, što pieramiaščeńnie rasijskich najmitaŭ «Vahniera» i ich lidara Jaŭhiena Pryhožyna ŭ Biełaruś «stvoryć ryzyku dla palityčnaj stabilnaści ŭ Biełarusi i, jak vynik, [aznačaje] patencyjnuju stratu kantrolu nad zvyčajnymi i jadziernymi ŭzbrajeńniami».
Prezidenty taksama adznačajuć, što prysutnaść vahnieraŭcaŭ moža prymusić Biełaruś adnavić pravakacyi ź mihrantami na miažy ź ES.
«Siońnia, napiaredadni samitu NATO ŭ Vilni (jaki projdzie 11-12 lipienia. — «NN»), my majem patrebu ŭ salidarnaści i adzinstvie dla procidziejańnia ŭsim pahrozam u adpaviednaści z pryncypam «360 hradusaŭ», u tym liku i tym, što ŭźnikli ŭ vyniku niadaŭnich padziej u Biełarusi. My pavinny pakazać Rasii, što my bačym i razumiejem ich, što my hatovyja vykarystoŭvać usie mahčymyja srodki dla procidziejańnia im», — havorycca ŭ liście.
-
«Manueła Łukašenka». U Hiermanii kiraŭnicu rehijona abrazili paraŭnańniem ź biełaruskim dyktataram
-
ZŠA vypadkova departavali mieksikanca, jakoha padazrajuć u najbujniejšym rabavańni kaštoŭnaściej u historyi krainy
-
U «Domie volnaj Biełarusi» ŭ Lvovie ŭšanavali pamiać Michaiła Žyźnieŭskaha. Tam ciapier zachoŭvajecca i pomnik hieroju
Ciapier čytajuć
Zialenski ŭ Vilni: Pakul špic Łukašenki maje bolš pravoŭ, čym narod Biełarusi11
Kamientary