Juryj Čyž viarnuŭ pad svajo kiravańnie hałoŭny aktyŭ siamji ŭ Rasii
U kancy červienia kiroŭnaj kampanijaj «Biełaz-Pamorje» stała firma «Paradyhma». Jana zarehistravanaja miesiacam raniej i znachodzicca ŭ stopracentnaj ułasnaści Juryja Čyža. Pra heta paviedamlaje Office Life.
Sama kampanija «BiełAZ-Pamorje» naležyć nie biznesmienu, a jaho synu Uładzimiru. Raniej Juryj Čyž raskazvaŭ, što «siamja skarystałasia situacyjaj, pryjšła da kiravańnia asnoŭnaj častkaj kampanij i siońnia kateharyčna nie bačyć majho ŭdziełu ŭ spravach». Biznesmien paabiacaŭ viarnuć usio, što jamu naležyć, ale było aformlena na jaho siamiejnikaŭ.
«BiełAZ-Pamorje» pracuje na rasijskim rynku z 2010 hoda i śpiecyjalizujecca na pasłuhach miascovym harnarudnym kampanijam pa padrychtoŭcy radoviščaŭ karysnych vykapniaŭ da raspracoŭki. Siarod jaje bujnych apošnich zakazčykaŭ, naprykład, była kampanija «Jakutuhol» z hrupy «Miečeł».
U 2017-m adnym z saŭładalnikaŭ TAA «BiełAZ-Pamorje» stała dačka Juryja Čyža Taćciana. Da 2021 hoda jana vałodała ŭžo kantrolnaj dolaj. Ale ŭ 2022-m vyjšła ź biznesu, sastupiŭšy aktyŭ svajmu bratu Uładzimiru Čyžu. Ciapier jakraz jon klučavy ŭłaśnik «BiełAZ-Pamorje», jakuju kantraluje praz kampaniju «TMH hrup».
Pa vynikach minułaha hoda vyručka TAA «BiełAZ-Pamorje» vyrasła na 106,7 % i skłała zvyš $7 młn. Adnak kampanija stratnaja apošnija try hady. U 2022-m čystaja strata skaraciłasia ŭ dva razy, ale ŭsio roŭna skłała minus amal $1 młn.
Ciapier čytajuć
Viktar Łukašenka zaśviaciŭ na pasiadžeńni NAK svoj hadzińnik — ciažki luks4
Viktar Łukašenka zaśviaciŭ na pasiadžeńni NAK svoj hadzińnik — ciažki luks
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu77
Kamientary