У канцы чэрвеня кіроўнай кампаніяй «Белаз-Памор'е» стала фірма «Парадыгма». Яна зарэгістраваная месяцам раней і знаходзіцца ў стопрацэнтнай уласнасці Юрыя Чыжа. Пра гэта паведамляе Office Life.
Сама кампанія «БелАЗ-Памор'е» належыць не бізнэсмену, а яго сыну Уладзіміру. Раней Юрый Чыж расказваў, што «сям'я скарысталася сітуацыяй, прыйшла да кіравання асноўнай часткай кампаній і сёння катэгарычна не бачыць майго ўдзелу ў справах». Бізнэсмен паабяцаў вярнуць усё, што яму належыць, але было аформлена на яго сямейнікаў.
«БелАЗ-Памор'е» працуе на расійскім рынку з 2010 года і спецыялізуецца на паслугах мясцовым гарнарудным кампаніям па падрыхтоўцы радовішчаў карысных выкапняў да распрацоўкі. Сярод яе буйных апошніх заказчыкаў, напрыклад, была кампанія «Якутуголь» з групы «Мечэл».
У 2017-м адным з саўладальнікаў ТАА «БелАЗ-Памор'е» стала дачка Юрыя Чыжа Таццяна. Да 2021 года яна валодала ўжо кантрольнай доляй. Але ў 2022-м выйшла з бізнэсу, саступіўшы актыў свайму брату Уладзіміру Чыжу. Цяпер якраз ён ключавы ўласнік «БелАЗ-Памор'е», якую кантралюе праз кампанію «ТМГ груп».
Па выніках мінулага года выручка ТАА «БелАЗ-Памор'е» вырасла на 106,7 % і склала звыш $7 млн. Аднак кампанія стратная апошнія тры гады. У 2022-м чыстая страта скарацілася ў два разы, але ўсё роўна склала мінус амаль $1 млн.
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос21
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1313
Каментары