«Hraŭ u akopie, prajšoŭ navučańnie jak navabraniec». Muzyka Pit Paŭłaŭ pajechaŭ z kancertami da kalinoŭcaŭ — dzielicca ŭražańniami ad pabačanaha
«Ja hraŭ u vajskovaj formie i tolki M-16 pamianiaŭ na hitaru», — kaža Pit Paŭłaŭ. Hurt N.R.M va Ukrainu zaprasili biełaruskija dobraachvotniki z pałka Kalinoŭskaha. Pajezdku muzyki rychtavali dva miesiacy.
Vypraŭlacca da vajaroŭ biez haścincaŭ nie chacieli, kaža Pit Paŭłaŭ. Za dva miesiacy sabrali 8,5 tysiačy dalaraŭ na nieabchodny kalinoŭcam vajskovy ryštunak. Źbirańnie srodkaŭ praciahvajecca dahetul (dla achvotnych dałučycca rachunak tut).
Tak skłałasia, što da kalinoŭcaŭ pajechaŭ tolki Pit Paŭłaŭ. Pra svajo padarožža jon vioŭ videabłoh. Prabyŭ muzyka va Ukrainie amal tydzień: adyhraŭ dva kancerty z novymi pieśniami, pabačyŭ na ŭłasnyja vočy, što narabili rasijanie vajnoju.
«Na im było šmat vajaroŭ. Heta byli ludzi roznaha ŭzrostu. Šmat dziaŭčat. Bahata było ŭžo stałych mužčyn, majho vieku i, jak mnie padałosia, starejšych za mianie. Usie hodnyja simpatyčnyja ludzi. Atmaśfiera mnie spadabałasia, u joj adčuvaŭsia duch tavarystva», — raskazvaje Pit Paŭłaŭ.
Pa słovach muzyki, asabliva spadabałasia kalinoŭcam pieśnia «Pałaje», napisanaja padčas vajny.
Pałaje trava,
Haryć
Miaža
U niebiaśpiecy.
Ścianoj idzie połymia.
Pałaje trava.
Pałaje dzień.
Pałaje serca.
Pałaje ziamla maja».
Rekruta Paŭłava vučyli, jak karystacca amierykanskaj vintoŭkaj M-16, kidać hranaty, zrabili ŭvodziny ŭ taktyku viadzieńnia sučasnaha boju.
«Ja sam siaržant-desantnik i pravodziŭ padobnyja zaniatki, ale, jak vyśvietliłasia, saviecki dośvied nie adpaviadaje sučasnym realijam viadzieńnia boju», — dzielicca ŭražańniami muzyka.
«Ja hraŭ u vajskovaj formie i tolki M-16 pamianiaŭ na hitaru. Jana niby pieraŭvasobiłasia sa zbroi. Ludziej na im było, zrazumieła, mienš, ale pryjom byŭ takim ža ciopłym, jak i ŭ čaści, dzie dysłakujucca kalinoŭcy», — kaža biełaruski muzyka.
Dla Pita Paŭłava i inšych svaich haściej vajary arhanizavali zaniatki na advajavanym u rasijan BTRy.
«Heta była sastarełaja, u kiepskim stanie vajskovaja machina. Ale było kruta. Ja siadzieŭ na brani, jak niekali ŭ vojsku. Ludzi nas u pasieliščach vitali», — apaviadaje muzyka.
Da jaho padyšła maładaja žančyna z synam i paprasiła sfatahrafavacca na fonie vajskovaj mašyny z ukrainskim ściaham.
Jon kaža, što va Ukrainie adčuvańnie vajny va ŭsim.
Vazili biełaruskaha muzyku i ŭ Buču.
Muzyka kaža, što jamu raskazvali šmat historyj hieraizmu ŭkrainskich sałdat.
«Ja kazaŭ, što pieravažnaja bolšaść biełarusaŭ usprymajuć vajnu va Ukrainie jak svaju. Jany na baku ŭkraincaŭ usimi svaimi sercami. Ja zaklikaŭ ukraincaŭ adździalać biełarusaŭ ad łukašystaŭ», — adznačaje Pit Paŭłaŭ.
Pit Paŭłaŭ zastavaŭsia ŭ Biełarusi dva hady, kali ŭ krainie ŭžo panavali represii.
Jon pryznajecca, što na jaho nie było niepasrednaha cisku.
U emihracyi Pit Paŭłaŭ z hurtam N.R.M ładzić kancerty. Z hetych srodkaŭ žyvie.
Na čužynie z hurtam «Pit Paŭłaŭ» užo vydadzieny albom «Zbroja.Zołata.Kabiety». Jon pisaŭsia 13 hadoŭ, na jaho ŭžo źniata čatyry klipy. Heta materyjał pra padziei ŭ Biełarusi stahadovaj daŭniny, apaviadaje muzyka.
Jon ličyć, što viarnucca ŭ Biełaruś treba sa zbrojaj.
Hladzicie taksama:
Zialenski: Nie chaču jechać u Vilniu dziela zabavy, Ukraina pavinna atrymać harantyi biaśpieki
Ciapier čytajuć
Pra što maŭčyć Alaksiej Franckievič, jakomu Polšča zakryła ŭjezd na 10 hadoŭ29
Pra što maŭčyć Alaksiej Franckievič, jakomu Polšča zakryła ŭjezd na 10 hadoŭ
Na aŭtašou ŭ Lidzie ledź nie zahinuŭ adzin z samych znakamitych kaskadzioraŭ Biełarusi — jaho videa sabrali amal paŭmiljarda prahladaŭ. Što ź im ciapier?88
Kamientary