Minski aeraport zapuściŭ u telehramie virtualnaha pamočnika dla pasažyraŭ
U telehramie źjaviŭsia čat-bot, z dapamohaj jakoha pasažyry staličnaha aeraporta mohuć atrymać infarmacyju pa bolšaści pytańniaŭ biez zvarotu ŭ daviedačnuju słužbu. Pra heta paviedamlaje telehram-kanał Nacyjanalnaha aeraporta «Minsk».
Pakul čat-bot moža davać infarmacyju pra prybyćcio i vylet rejsaŭ, pravoz bahažu, transpart, na jakim možna dabracca da aeraporta, pasłuhi, jakija akazvajucca aeraportam. A taksama dapamoža pry zvarocie ŭ biuro znachodak i z vyrašeńniem prablem, jakija asabliva časta ŭźnikajuć u pasažyraŭ.
Pa słovach raspracoŭščykaŭ, praces pošuku infarmacyi z dapamohaj bota zajmaje niekalki siekund. Pry hetym adnačasova servis moža apracoŭvać nieabmiežavanuju kolkaść zapytaŭ. Pracuje jon 24 hadziny ŭ dzień.
Raniej u minskim aeraporcie ŭstalavali novyja tabło i sistemu navihacyi.
Kamientary