Rasijski śpiavak Alaksandr Siaroŭ na vakzale ŭ Viciebsku aburyŭsia, što jaho sustreli nie na ruskaj movie
Akaličnaści sustrečy rasijskich pop-zorak na čyhunačnym vakzale raskazaŭ «Moskovskij komsomolec».
Alaksandr Siaroŭ. Fota: serovofficial / Telegram
Pavodle vydańnia, samym niezadavolenym ranicaj vyjšaŭ ź ciahnika śpiavak Alaksandr Siaroŭ, viadomy z savieckaha času svaim chitom «Madonna».
Asiarodździe Siarova, jak piša «MK», imknułasia zaharadzić artysta ad kamier, a adkazvać jon nie pažadaŭ navat na samyja prostyja pytańni.
Biełarusy, što sustrakali Siarova na vakzale, pavitali jaho na rodnaj movie.
Na heta Siaroŭ mocna aburyŭsia: «A čamu vy havorycie sa mnoj pa-ŭkrainsku?»
Ludzi, što jaho sustrakali, razhubilisia, jak piša vydańnie, i, pierajšoŭšy na ruskuju, rastłumačyli, što karystalisia rodnaj biełaruskaj movaj.
Siaroŭ źbiantežyŭsia i paśpiašaŭsia źjechać.
Kamientary