Hramadstva88

HUBAZiK pakazaŭ dvuch zatrymanych minčukoŭ. Raspaviadajem, jak ich adšukali i jak jany mahli b abaranicca

Adnaho ź ich siłaviki vinavaciać u napisańni kamientaroŭ, a druhoha — va ŭdziele ŭ pratestach, «ekstremisckich spasyłkach» i «rehistracyi ŭ płanie «Pieramoha».

Mikałaj Lićvinaŭ i Jaŭhien Ravucki. Fota: staronki «UKantakcie» mužčyn

Pieršaha z mužčyn kličuć Mikałaj Lićvinaŭ. Jamu 43 hady, jon maje niepaŭnaletnich syna i dačku. U videa siłavikoŭ demanstrujucca jaho kamientary pad dopisami ŭ telehram-kanałach «Kraina dla žyćcia» i «Biełaruś hałaŭnoha mozha». Mužčynu zmahli adšukać, chutčej za ŭsio, tamu, što ŭ telehramie jon mieŭ niknejm «Nik L», a jahony akaŭnt «bjecca» pa jahonym ułasnym numary telefona.

Pra druhoha z zatrymanych napisała «Viasna». Heta 35-hadovy minčuk Jaŭhien Ravucki. Mužčyna zachaplajecca strajkbołam. Paviedamlajecca, što da jaho pryjšli praz toje, što jon «zaśviaciŭsia» na fota z pratestaŭ, a paśla ŭ jaho telefonie nibyta adšukali aktyvavany bot płana «Pieramoha» i kamientary ŭ telehram-čatach. Žonka mužčyny, Hanna, kala 12 lipienia taksama źnikła z usich sacsietak i telehrama — imavierna, jaje taksama zatrymali.

Jak jany mahli b abaranicca?

U kiejsie Mikałaja Lićvinava važna było abaranić svoj telehram-akaŭnt. Heta značyć, pa-pieršaje, zarehistravać ananimny akaŭnt (pra heta ŭ nas jość hajd), a pa-druhoje, vystavić u im maksimalnyja nałady pryvatnaści i zabaranić pošuk pa numary telefona. Dla hetaha zajdzicie ŭ «Nałady», nacisnuŭšy try ryski ŭ vierchnim levym kucie klijenta.

Try ryski, jakija «pryviaduć» vas u «Nałady», — u vierchnim levym kucie

Dalej abiarycie «Nałady».

Mieniu telehrama. Tut naciśnicie «Nałady» (apošni punkt na skrynšocie)

Paśla hetaha ŭvajdzicie ŭ punkt «Pryvatnaść i biaśpieka». Maksimalnyja nałady biaśpieki vyhladajuć tak.

Punkt «Pryvatnaść i biaśpieka»

Paśla hetaha pierajdzicie ŭ punkt «Numar telefona». Pierakanajciesia, što ŭ punkcie «Chto moža znajści mianie pa numary?» vystaŭleny adkaz «Maje kantakty». Paśla praviercie, kaho vy dadali ŭ «Zaŭsiody dazvalać». Lepš uvohule nikomu nie pakazvać vaš telefon, ale jašče važniej nie pakazvać jaho vypadkovym ludziam.

Praviercie, kab šukać pa numary vas mahli tolki kantakty, a ŭ «vyklučeńniach» nie było lišnich ludziej

Ź Jaŭhienam Ravuckim usio składaniej. Jon patrapiŭ na fota z pratestaŭ, jakoje demanstrujuć siłaviki. U materyjale pra raspaznavańnie tvaraŭ my raspaviadali padrabiaźniej pra toje, jak šukajuć ludziej. 

Inšaja reč — toje, što adšukali ŭ jahonym telehramie ŭžo paśla zatrymańnia. U artykule pra nadziejnaje vydaleńnie infarmacyi z telehrama my davali parady pra toje, jak možna pačyścić jaho. A tut možna pračytać pra toje, jak nadziejna pačyścić telehram-boty, u jakija vy pisali. Kali vy chočacie ŭstalavać sabie «partyzanski telehram», jaki dazvalaje vydalić «pratesny» akaŭnt, pračytajcie instrukcyju ad «Kibierpartyzanaŭ».

Biaspłatnyja kansultacyi pa infarmacyjnaj biaśpiecy prapanuje inicyjatyva CyberBeaver.

«Naša Niva» — bastyjon biełaruščyny

PADTRYMAĆ

Kamientary8

  • Karł
    18.07.2023
    Ščyra dziakuju za karysnuju infarmacyju
  • Kotya
    18.07.2023
    Jeśli vy hdie-to v druhich hruppach publikovali objavlenija i ostavlali nomier tielefona, to mohut tožie najti i skrytyje nastrojki nie spasut. Tolko połnoje udalenije akkaunta. 
  • Freddy
    18.07.2023
    nikohda nie polzujtieś tielehramom. 

Ciapier čytajuć

Kiełahu pakazali kampramietujučyja videamateryjały na biełaruskuju apazicyju? Tak miarkuje Łatuška9

Kiełahu pakazali kampramietujučyja videamateryjały na biełaruskuju apazicyju? Tak miarkuje Łatuška

Usie naviny →
Usie naviny

U abnoŭleny sankcyjny śpis trapiŭ šerah tavaraŭ bytavoj chimii. Što nielha budzie ŭvozić?24

Minskaje «Dynama» vylecieła ź jeŭrakubkaŭ3

Pamior akademik Alaksiej Maćviejeŭ1

Biełaruskaja śpiavačka Bjanka ŭ Krymie: «Chaj ciapier usie daviedajucca, jak adpačyvajuć ruskija» FOTAFAKT46

Jeŭropa ŭsio bolš schilajecca da dackaha padychodu ŭ mihracyjnaj palitycy, jaki raniej krytykavali5

«Nioman» vyjšaŭ u 3-ci raŭnd kvalifikacyi Lihi kanfierencyj2

Rybakoŭ: Biełaruś i ZŠA rychtujuć novyja kroki19

U rasijskim Barnaule 8 z 10 novych biełaruskich tramvajaŭ adrazu ž stali na ramont

U Biełarusi nijak nie mohuć znajści, kaho pasłać ambasadaram u Nihieryju8

bolš čytanych navin
bolš łajkanych navin

Kiełahu pakazali kampramietujučyja videamateryjały na biełaruskuju apazicyju? Tak miarkuje Łatuška9

Kiełahu pakazali kampramietujučyja videamateryjały na biełaruskuju apazicyju? Tak miarkuje Łatuška

Hałoŭnaje
Usie naviny →

Zaŭvaha:

 

 

 

 

Zakryć Paviedamić