Dyrektar CRU Uiljam Biorns miarkuje, što prezident RF Uładzimir Pucin usio jašče moža pakvitacca z kiraŭnikom PVK «Vahnier» Jaŭhienam Pryhožynym za arhanizavanaje im paŭstańnie ŭ kancy červienia.
Pra heta Biorns skazaŭ u čaćvier na Forumie biaśpieki ŭ Aśpienie, piša «Jeŭrapiejskaja praŭda».
Biorns nazvaŭ rasijskaha prezidenta Pucina «najbujniejšym apostałam raspłaty» i skazaŭ, što «budzie ździŭleny, kali Pryhožyn paźbiehnie dalejšaj adpłaty».
«Kali b ja byŭ Pryhožynym, ja b nie zvalniaŭ svajho dehustatara», — skazaŭ Biorns, dapuściŭšy, što vierchavoda «vahnieraŭcaŭ» mohuć zabić, naprykład, atruciŭšy.
Jon taksama skazaŭ, što, na jahonuju dumku, Pryhožyn ciapier znachodzicca ŭ Biełarusi, jak było vidać na niadaŭnim videa.
«Jon krychu źmianiŭ maršrut… Mnie zdajecca, niadaŭna jon byŭ u Minsku. Ja nie ŭpeŭnieny, što ŭ jaho jość płany na piensiju ŭ pryharadzie Minska, ale jon taksama prabaviŭ niejki čas u Rasii», — skazaŭ Biorns.
Ciapier čytajuć
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny26
«Bolš za 10 čałaviek vyjechali ŭ Jeŭropu — i heta tolki z majho adździaleńnia». Reanimatołah z rajcentra ščyra apisaŭ budni biełaruskaj miedycyny
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary