Na Mahiloŭščynie znoŭ adkryvajucca «Biełdruki», ale padparadkavańnie ich užo inšaje
12 lipienia 2023 hoda zaviaršyłasia šmathadovaja epapieja z bankructvam pradpryjemstva «Mahiloŭsajuzdruk». Usiudy na Mahiloŭščynie zakrylisia nie tolki hazietnyja šapiki, ale časam i adzinyja kniharni na ŭvieś horad, bo ŭ hetaj vobłaści jany taksama naležali «Mahiloŭsajuzdruku». Ale ciapier pajšoŭ advarotny praces, piša «Mahiloŭ.Media».
Adnak pačynajučy z červienia hetaha hoda ŭ Babrujsku, Mahilovie i Škłovie niekatoryja šapiki stali znoŭ pracavać. U Babrujsku adkrylisia dva raniej zakrytyja kijoski, ale ciapier užo pad šyldaj nie «Mahiloŭsajuzdruk», a «Biełdruk».
Babrujskija šapiki pry hetym znachodziacca ŭ padparadkavańni homielskaha filijała «Biełsajuzdruka», a škłoŭskija — u padparadkavańni viciebskaha.
U Babrujsku ciapier pracujuć dva šapiki: adzin na vulicy 50 hadoŭ VŁKSM, druhi — na praśpiekcie Budaŭnikoŭ. Najbližejšymi dniami ŭ hetym horadzie budzie adkryty jašče adzin paviljon «Biełdruk» na vulicy Vanceci. Usiaho ž pry kancy hoda punktaŭ prodažu takoha typu maje źjavicca piać.
U Mahilovie hetych šapikaŭ pracuje ŭžo kala dziesiaci, i ŭ ich, jak vyhladaje — minskaje padparadkavańnie.
Ciapier čytajuć
Kolki biełarusaŭ atrymali polskaje hramadzianstva za apošni čas. Ličby ŭražvajuć8
Kolki biełarusaŭ atrymali polskaje hramadzianstva za apošni čas. Ličby ŭražvajuć
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary