U Biełarusi ŭžo minimum 3500 «vahnieraŭcaŭ» — Biełaruski Hajun
Z 11 lipienia na terytoryju Biełarusi prybyło jak minimum 10 arhanizavanych kałon PVK «Vahnier», a apošniaja była ŭčora, 23 lipienia, piša manitorynhavaja hrupa «Biełaruski Hajun».
10 prybyłych kałon naličvali 670-700 adzinak aŭtamabilnaj techniki, siarod jakoj absalutnaja bolšaść składali pikapy UAZ Patryjot. Byli i pikapy inšych marak, naprykład, Mitsubishi L200, a taksama «buchanki», KamAZy i Urały, uklučajučy tentavanyja, u jakich časam pieravoziŭsia asabovy skład, aŭtobusy, fury i budaŭničaja/inžyniernaja technika.
Pavodle acenak BH, kolkaść najmitaŭ u Biełarusi ŭžo składaje 3450-3650 čałaviek. Usie kałony nakiroŭvalisia i prybyli ŭ namiotavy łahier u v.Cel pad Asipovičami.
Acenka zasnavanaja na kolkaści techniki, jakaja prybyła ŭ Biełaruś i prybyćcio jakoj było paćvierdžanaje, padkreślivaje Biełaruski Hajun.
Raniej kiraŭnictva PVK «Vahnier» zajaŭlała, što ŭ Biełaruś pierabazujecca da 10 tysiač bajcoŭ hetaj kampanii.
PVK «Vahnier» farmalna ličycca pryvatnaj vajskovaj kampanijaj, ale faktyčna była stvoranaja Hienštabam Rasii dla vykanańnia śpiecyjalnych zadač i pad vyhladam, što za hetym nie staić aficyjnaja Maskva. PVK «Vahnier» paniesła ciažkija straty padčas napadu na Ukrainu. Pavodle infarmacyi kiraŭnictva struktury, stanam na 20 maja z 79 tysiač najmitaŭ byli zabityja 22 tysiačy, paranienyja 40 tysiač.
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary