Lidarka demakratyčnych sił Biełarusi Śviatłana Cichanoŭskaja vyjšła ŭ efir anłajn-marafonu «Nam nie ŭsio adno». Jaje spytali pra videa ź Siarhiejem Cichanoŭskim z turmy, niadaŭna apublikavanaje łukašysckimi kanałami.
Cichanoŭskaja raskazała, što jaje małodšaja dačka časta zhadvaje baćku i źbiraje hrošy na tank, kab vyzvalić jaho z turmy. Viadoŭca strymu Kanstancin Kavieryn zapytaŭ, ci pakazvała palityk dzieciam videa ź Cichanoŭskim.
Jana adkazała, što nie pakazvała. Kavieryn praciahnuŭ temu, adznačyŭšy, što jon nie zmoh paznać na kadrach Siarhieja Cichanoŭskaha, i pacikaviŭsia mierkavańniem jahonaj žonki.
Śviatłana adkazała, što joj daviałosia pahladzieć videa niekalki razoŭ.
«Tvar nie jahony. Ja jaho jak čałavieka nie paznała. Ale asablivaści ruchaŭ cieła — heta jon. Jak jon źmianiŭsia, viadoma, — heta było vielmi baluča. Chacia b ja pabačyła, što jon žyvy. Spadziajusia, heta nie padstaŭnoje videa», — skazała Cichanoŭskaja.
Jana dadała, što jaje muž — jaje pastajanny bol, ale važna padtrymlivać usich palitviaźniaŭ.
Nahadajem, što 29 lipienia ad 10 da 22 hadziny prachodzić anłajn-marafon padtrymki biełaruskich palitviaźniaŭ. Achviaravać hrošy možna pa spasyłcy: salidarnasc.com
Ciapier čytajuć
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»1010
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»10
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra2828
Kamientary
u čałavieka na videa łysina. u Cichanoŭskaha blizka namioku na łysinu nie było