Лідарка дэмакратычных сіл Беларусі Святлана Ціханоўская выйшла ў эфір анлайн-марафону «Нам не ўсё адно». Яе спыталі пра відэа з Сяргеем Ціханоўскім з турмы, нядаўна апублікаванае лукашысцкімі каналамі.
Ціханоўская расказала, што яе малодшая дачка часта згадвае бацьку і збірае грошы на танк, каб вызваліць яго з турмы. Вядоўца стрыму Канстанцін Каверын запытаў, ці паказвала палітык дзецям відэа з Ціханоўскім.
Яна адказала, што не паказвала. Каверын працягнуў тэму, адзначыўшы, што ён не змог пазнаць на кадрах Сяргея Ціханоўскага, і пацікавіўся меркаваннем ягонай жонкі.
Святлана адказала, што ёй давялося паглядзець відэа некалькі разоў.
«Твар не ягоны. Я яго як чалавека не пазнала. Але асаблівасці рухаў цела — гэта ён. Як ён змяніўся, вядома, — гэта было вельмі балюча. Хаця б я пабачыла, што ён жывы. Спадзяюся, гэта не падстаўное відэа», — сказала Ціханоўская.
Яна дадала, што яе муж — яе пастаянны боль, але важна падтрымліваць усіх палітвязняў.
Нагадаем, што 29 ліпеня ад 10 да 22 гадзіны праходзіць анлайн-марафон падтрымкі беларускіх палітвязняў. Ахвяраваць грошы можна па спасылцы: salidarnasc.com
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі15
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1515
Каментары
у чалавека на відэа лысіна. у Ціханоўскага блізка намёку на лысіну не было