Zbor na palitviaźniaŭ pieravysiŭ płanku ŭ 490 tysiač jeŭra! Zastałosia zusim krychu
Marafon niezaležnych miedyja i arhanizacyj pačaŭsia ŭ subotu ranicaj. Danacić možna da 23:59 niadzieli. Pa stanie na 15:20 sabrana ŭžo 490 tysiač jeŭra.
Zadanacić možna na sajcie salidarnasc.com.
Što budzie dalej z sabranymi srodkami?
Paśla anłajn-marafonu projdzie pieršaje pasiadžeńnie naziralnaj rady z pradstaŭnikoŭ miedyja, što realizoŭvajuć prajekt. Jany prymuć rašeńnie ab tym, jak raźmierkavać sabranyja srodki pamiž arhanizacyjami-ŭdzielnicami marafonu, a tyja, u svaju čarhu, zmohuć na sabranyja hrošy dapamahčy siemjam palitviaźniaŭ, ź jakimi pracujuć. Praź niejki čas (mierkavana, praz try miesiacy) naziralnaja rada vyvučyć spravazdačy arhanizacyj i ahučyć publičnuju zajavu pra toje, na što pajšli srodki.
Voś pra jakija arhanizacyi havorka:
- sacyjalny prajekt INeedHelpBY;
- prajekt dapamohi palitźniavolenym biełaruskam «Palitviazynka»;
- pravaabarončaja inicyjatyva dapamohi palitviaźniam Dissidentby;
- fond dapamohi biełarusam u Litvie RAZAM;
- inicyjatyva BY_help;
- Biełaruskaja asacyjacyja palitviaźniaŭ «DA VOLI»;
- Biełaruskaja rada kultury;
- fond miedycynskaj salidarnaści ByMedSol;
- Biełaruski fond spartyŭnaj salidarnaści;
- fond biełaruskaj salidarnaści BYSOL;
- dabračynny fond «Kraina dla žyćcia»;
- publičnaja dabračynnaja arhanizacyja Littouwin LIONS CLUB;
- Anarchičny čorny kryž — Biełaruś.
Pavodle padlikaŭ «Viasny», u krainie ciapier 1475 palitviaźniaŭ. Pravaabarončaja inicyjatyva Dissidentby nazyvaje ličbu 1741 čałaviek. Heta tyja, chto ciapier znachodzicca ŭ niavoli za palityku.
Arhanizatary mierapryjemstva nahadvajuć pra miery biaśpieki: nie varta danacić z vykarystańniem rasijskich ci biełaruskich płaciežnych instrumientaŭ. Taksama, kali vy znachodziciesia ŭ Biełarusi, nie repościcie, nie łajkajcie i nie kamientujcie tranślacyi sa svaich piersanalnych akaŭntaŭ.
-
Italjaniec pierajechaŭ u biełaruskuju viosku i pačaŭ piačy sapraŭdnuju picu na drovach
-
«90 čałaviek vyhnali pad piakučaje sonca i trymali tam try hadziny. Ja paŭtarała tolki adnu malitvu: niachaj im usio vierniecca»
-
Ci chopić sioleta €2000, kab adpačyć na mory? Što adbyvajecca z cenami na letni adpačynak
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary
eto tot , kotoryj tipa 3-m po sčietu šieł ?