«Niekatoryja ludzi znachodziacca ŭ viertykalnym stanoviščy». U Dziaržynsku znajšli bolš za sotniu zahadkavych čałaviečych pareštkaŭ
U Dziaržynskaj rajonnaj balnicy hetym letam pačali budavać novuju kacielniu. Pracy viała bryhada Dziaržynskaha domabudaŭničaha ŭpraŭleńnia, adnak raptam ich pryjšłosia prypynić: siarod raskopak budaŭniki pačali znachodzić čałaviečyja pareštki, paviedamlaje Mlyn.by.
Pieršyja kostki znajšli dva dni tamu na schile za balnicaj. Pastupova ź nietraŭ ziamli na hłybini prykładna 1,5 mietra stali prastupać i inšyja abrysy — dziciačyja i darosłyja škilety. Zamiest ekskavatara budaŭniki ŭzialisia za rydloŭki. Akuratna vykopvali pareštki ludziej navonki. Pastupova tut i tam stali vyrastać cełyja kučy z kostak.
Na vačach žurnalistaŭ budaŭniki dastavali z-pad płasta ziamli novyja i novyja znachodki — čarapy, kości. U adnym miescy ŭdałosia vyjavić jak byccam cełaje pachavańnie — draŭlanyja reštki truny, a ŭ im — škilet. Pobač ź im znajšli taksama elemienty, vielmi padobnyja da žanočych upryhažeńniaŭ (na pieršy pohlad, vykananyja ź nitak błakitnaha koleru, jakija, adnak, vydatna zachavalisia) i amal cełuju paru žanočaha abutku — čornyja tufli.
Ludzi lažać u ziamli płastami, adzin nad adnym. Niekatoryja ludzi znachodziacca ŭ viertykalnym stanoviščy.
Pavodle słoŭ rabotnikaŭ, kaliści tut stajała carkva (chram), pry jakoj chavali mirnaje nasielnictva. Taksama vidavočcy razhladajuć jašče niekalki viersij. Mahčyma, tut rasstralali kaliści viaźniaŭ hieta, jakoje znachodziłasia ŭ rajonie vulicy Pieršamajskaj. Taksama heta moža być niejak źviazana z Kalvinskim zboram.
Pakul što na miescy pracuje śledčaja hrupa.
Ciapier čytajuć
Koŭł: Łukašenka adpuścić 25 čałaviek u abmien na sankcyi na «Łakafarbu» i «Biellespapierpram»14
Koŭł: Łukašenka adpuścić 25 čałaviek u abmien na sankcyi na «Łakafarbu» i «Biellespapierpram»
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu77
Kamientary