Eks-zorka «Mančester Junajted» chacieŭ pierajści ŭ «Reał», ale Ančełoci zabłakavaŭ tranśfier
Uzrovień vystupaŭ de Chiea nie ŭražvaje italjanskaha śpiecyjalista, tamu jon admoviŭsia ad pasłuh bramnika.
Hałoŭny trenier «Reała» Karła Ančełoci zabłakavaŭ pierachod ispanskaha hałkipiera Davida de Chiea ŭ madrydski kłub, piša Championat.
Uzrovień vystupaŭ de Chiea nie ŭražvaje italjanskaha śpiecyjalista, tamu jon admoviŭsia ad pasłuh bramnika. «Reał» ciapier pracuje nad padpisańniem marakanca Jasina Bunu z «Sievilji».
Bielhijski bramnik «Reała» Cibo Kurtua atrymaŭ traŭmu piaredniaj kryžapadobnaj źviazki na treniroŭcy i ŭ najbližejšyja dni pieraniasie apieracyju. 31-hadovy futbalist pravioŭ bolš za 200 matčaŭ za kłub z momantu pierachodu z «Čełsi» ŭ žniŭni 2018 hoda.
Čempijanat Ispanii startuje ŭžo siońnia. «Reał» zhulaje zaŭtra z «Atletykam» Bilbaa. Vyhladaje, što ŭ varoty stanie ŭkrainiec Andrej Łunin.
De Chiea ciapier znachodzicca ŭ jakaści svabodnaha ahienta paśla adychodu z «Mančester Junajted» hetym letam.
De Chiea hulaŭ za MIU z 2011 hoda, pravioŭ za kłub 411 matčaŭ, prapuściŭ 446 miačoŭ. Pryčym apošni siezon byŭ vielmi niaroŭnym. David zhulaŭ 38 matčaŭ, ź ich 18 adstajaŭ na nul, ale ŭ 20 astatnich matčach prapuściŭ 43 miačy. U siezonie 2021—2022 naohuł było 56 prapuščanych miačoŭ.
U vyniku na źmienu jamu ŭziali kamierunca Andre Anana.
Ciapier čytajuć
Radzilnyja damy spaborničajuć, u kaho 3 lipienia narodzicca bolš dziaciej15
Kamientary