«Niama. Ja ich nie nakuplajusia». Na mytni ŭ čałavieka patrabavali telefon, choć try miesiacy tamu sami jaho zabrali
Mytniki na polska-biełaruskaj miažy nie mahli pavieryć, što fiermier z Drahičyna Uładzimir Kazieka ŭ pačatku žniŭnia jeździŭ u Polšču biez telefona, paviedamiła «Bieraściejskaja viasna».
Kali Uładzimira Kazieku zatrymali na asabistuju pravierku, siaržant adrazu zapatrabavaŭ u jaho telefon. Na heta fiermier adkazaŭ, što telefona ŭ jaho niama. Siłavik ździviŭsia i nie pavieryŭ, vyklikaŭšy starejšaha pa zvańni. Toj staŭ pahražać, što mužčyna siadzie na 15 sutak, kali telefon u jaho znojduć. Uładzimir na toje adkazaŭ: «Šukajcie».
Abšukaŭšy i nie znajšoŭšy telefona, ździŭlenyja rabotniki vyklikali cełaha padpałkoŭnika. Toj adrazu zapatrabavaŭ vydać telefon pa-dobramu, kab nie było niepryjemnaściaŭ.
Ale Uładzimir Kazieka spakojna adkazaŭ: «Niama. Ja ich nie nakuplajusia. U mianie jašče ŭ mai telefon byŭ kanfiskavany».
Praz chvilin 40 fiermiera taki adpuścili, tak da kanca i nie pavieryŭšy, što telefona ŭ jaho sapraŭdy nie było.
U mai, kali Kazieka taksama viartaŭsia z Polščy, jaho zatrymali za padpisku na «ekstremisckija kanały» ŭ telefonie. Tady jaho praz sud pakarali trojčy aryštam na roznyja terminy. Pakul jon siadzieŭ 43 dni zapar, u jaho biez dohladu zahinuli ŭsie spadziavańni na ŭradžaj i źnikła 30 vulloŭ pčoł. U vyniku fiermier zastaŭsia z doŭham 10 tysiač dalaraŭ.
Zavadčanin Ihar, jaki viartaŭsia dadomu buchim, upieršyniu ŭ žyćci jedzie za miažu. A jašče jon chałasty7
Kamientary