Pryjorbank pavialičyŭ kamisiju za absłuhoŭvańnie valutnych rachunkaŭ
Pryjorbank paviedamiŭ klijentam, što pierahledzieŭ kamisii za absłuhoŭvańnie rachunkaŭ u dalarach, jeŭra, polskich złotych, brytanskich funtach sterlinhaŭ, šviejcarskich frankach i šviedskich kronach. Infarmacyja pra heta raźmieščana na sajcie banka.
Absłuhoŭvańnie takich rachunkaŭ padaražeje z 1 vieraśnia.
Štomiesiačnaja płata za absłuhoŭvańnie dyfierencyjavanaja:
- dla rachunkaŭ z reštkami ad 50 tys. dalaraŭ da 100 tys. dalaraŭ u ekvivalencie kamisija składzie 750 rubloŭ;
- ad 100 tys. da 200 tys. dalaraŭ — 1500 rubloŭ;
- ad 200 tys. da 300 tys. dalaraŭ — 2500 rubloŭ;
- ad 300 tys. da 500 tys. dalaraŭ — 4500 rubloŭ;
- ad 500 tys. da 1 młn dalaraŭ — 9000 rubloŭ.
Kamisija dla dalaravych miljanieraŭ składzie 12 000 rubloŭ.
Bank udakładniaje, što ŭtrymlivaje kamisiju ź luboha rachunku klijenta, adkrytaha ŭ banku.
Z 1 červienia Pryjorbank uvioŭ płatu za absłuhoŭvańnie biahučych rachunkaŭ fizičnych asob z reštkami ŭ 50 tys. dalaraŭ abo jeŭra ŭ pamiery 750 biełaruskich rubloŭ.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam7
Kamientary