Pieršaja sieryja «Akreścina» nie budzie dastupnaja biełaruskamu hledaču
«I heta dobra, bo biełarusy hetaha nie zrazumiejuć», — raskazaŭ adzin z kiniematahrafistaŭ.
Pieršaja sieryja prajekta «Akreścina», jaki zdymaŭ Andrej Kurejčyk, nie budzie dastupnaja biełaruskamu hledaču. Pra heta raspavioŭ adzin sa stvaralnikaŭ filma, jaki pažadaŭ zastacca ananimnym, padčas dyskusii na źjeździe biełaruskich kiniematahrafistaŭ u Varšavie, paviedamlaje telehram-kanał «Śviaščenny Biełavud».
«I heta dobra, bo biełarusy hetaha nie zrazumiejuć. My jaje pakazvali zamiežnikam: litoŭcam, francuzam, vienhram. Im naša historyja pra 2020 hoda cikavaja, zamiežny hladač budzie jaje hladzieć», — padkreśliŭ surazmoŭca.
Pry hetym vyśvietliłasia, što prajekt nie źniaty, bo zdymki adbyvalisia zimoj 2022 hoda. «I potym źjavilisia etyčnyja kalizii. U tym vyhladzie, u jakim jon ciapier jość, jaho lepiej nie hladzieć», — dadaŭ kiniematahrafist.
U červieni Andrej Kurejčyk, jaki siońnia časova žyvie i vykładaje ŭ ZŠA, raspavioŭ u razmovie «Jeŭraradyjo», što nie viedaje, što adbyvajecca ź jaho prajektam.
Sieryjał «Akreścina» pačali zdymać u Litvie ŭ pačatku minułaha hoda — i jon adrazu trapiŭ u skandał, kali hledačy aburylisia scenami rasstrełu ludziej u turmie. Sam stvaralnik potym tłumačyŭ, što heta byŭ son adnaho z hierojaŭ.
Usie pracoŭnyja materyjały pa «Akreścina» ciapier znachodziacca ŭ litoŭska-biełaruskaha vydańnia «Małanka», jakoje zajmałasia infapramocyjaj sieryjała.
«Nastupnuju sieryju ja b rabiŭ pra Bialackaha». Što čuvać pra sieryjał «Akreścina»?
Litoŭski režysior pastaviŭ z represavanymi haradziencami śpiektakli pra Kurapaty i Maryupal i źniaŭsia ŭ sieryjale pra Akreścina — pahutaryli ź im
«I pra Aśviencim treba było zdymać, kali tam hareli piečy». Intervju z Andrejem Kurejčykam pra našumieły sieryjał
Kamientary