«Nastupnuju sieryju ja b rabiŭ pra Bialackaha». Što čuvać pra sieryjał «Akreścina»?
Režysior Andrej Kurejčyk raskazaŭ «Radyjo Svaboda», na jakim etapie ciapier sieryjał «Akreścina». Zdymki jaho prachodzili ŭ Łukišskaj turmie ŭ Vilni, a apublikavany bekstejdž narabiŭ šumu.
Da vajny kamanda sieryjała paśpieła źniać piłotnuju sieryju. Apošni zdymačny dzień byŭ zapłanavany na 25 lutaha, ale pačałasia vajna
«Vykanaŭca roli hałoŭnaha hieroja Jaŭhien Karnavuch byŭ z Chiersona, z chiersonskaha teatra, a inšy naš akcior, Ihar Zabara bolš za miesiac prasiedzieŭ pad Bučaj u svaim domie la Kijeva. Byli ciažkaści. U cełym pieršaja sieryja pra Cichanoŭskaha, nasamreč, źniataja.
Na žal, jość prablemy praz toje, što kampanija «Małanka miedyja» (niadaŭna abvieščanaja ekstremisckim farmavańniem) nie maje dośviedu pracy ŭ vialikim kino. Usie materyjały znachodziacca ŭ Vilni ŭ «Małanka Miedyja» — videa, huk, mantaž i ŭsio inšaje, ale, na žal, pakul jany vypuścić heta nie mohuć. U mianie jość nadzieja, što hety prajekt sioleta trapić da hledača. Heta nie maja kampanija robić, ja tut tolki jak tvorčaja adzinka vystupaju… Sieryjał varta praciahvać. Nastupnuju sieryju ja b rabiŭ pra Alesia Bialackaha. Materyjału, na žal, šmat, i heta naš bol», — padzialiŭsia Andrej Kurejčyk.
Režysior raskazaŭ taksama, što pracuje ciapier u Jelskim univiersitecie ŭ horadzie Ńju-Chejven u štacie Kaniektykut.
«Heta źviazana ź Biełaruśsiu. Mianie zaprasili siudy na prahramu hłabalnaha lidarstva Yale World Fellow 2022.
Ja byŭ pieršym biełarusam, zaprošanym siudy za ŭsiu historyju hetaj prahramy. Raniej tut byli i Słava Vakarčuk z Ukrainy, i Alaksiej Navalny z Rasii, i šmat inšych cikavych ludziej. Ale ź biełarusaŭ ja pieršy. Paśla zakančeńnia prahramy mnie zrabili prapanovu zastacca i pracavać tut. I ciapier ja vykładčyk pa temie «Mastactva supracivu», «Biełaruskaja litaratura i kino». Ja taksama daśledčyk pa temie «Chałakost u Biełarusi». Heta cikavaja praca na najbližejšyja hady».
Kurejčyk dadaŭ, što biełarusy Amieryki vielmi addanyja biełaruskaj idei i stymulujuć jaho pierachodzić na biełaruskuju movu. Ciapier i strymy na svaim jutub-kanale jon časta viadzie pa-biełarusku.
«I pra Aśviencim treba było zdymać, kali tam hareli piečy». Intervju z Andrejem Kurejčykam pra našumieły sieryjał
Ciapier čytajuć
Małady rabotnik «Minsk-Areny» pavinien zapłacić 71 miljon dalaraŭ3
Małady rabotnik «Minsk-Areny» pavinien zapłacić 71 miljon dalaraŭ
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach88
Kamientary