Faktyčna heta stalinski styl. Čarhovyja kadravyja pryznačeńni kamientuje ŭ svaim błohu na NN Alaksandr Kłaskoŭski.
Zašmalcavanyja žurnalisckija štampy — «pieratasoŭka kałody», «rakiroŭka» — tym nie mienš absalutna trapnyja ŭ dačynieńni da Łukašenkavaj kadravaj palityki.
Tak, dvuch siłavikoŭ — Malcava i Žadobina — prosta pamianiali miescami. Raniej tak ža było zroblena ź Mikłaševičam i Vasilevičam.
«Ratacyja kadraŭ musić prachodzić rehularna. Heta nie ja prydumaŭ, i heta pravilna», — zaznačyŭ 4 śniežnia Łukašenka. Prosty adkaz tym, chto kožny raz šukaje patajemnyja sensy.
Faktyčna heta stalinski styl.
Uvohule ž pieratrasańnie kadraŭ, što adbyłosia 4 śniežnia, nijakich refarmataraŭ na kiroŭnyja pasady nie vyniesła.
U kresła ministra ekonomiki z pasady namieśnika kiraŭnika administracyi prezidenta trapiŭ Mikałaj Snapkoŭ. Jahonaja alma mater — Horackaja sielhasakademija. Pracavaŭ ekanamistam plemzavoda, buchhałtaram ŽKH, na roznych pasadach u Mahiloŭskim abłvykankamie. U prakłamavańni libieralnych ekanamičnych kancepcyj nie zaŭvažany. Zrešty, na dumku Alaksandra Fiaduty, hetaje pryznačeńnie moža śviedčyć pra ŭmacavańnie hrupoŭki «maładych vaŭkoŭ»: jany, maŭlaŭ, pačali stavić ludziej i na ekanomiku.
Što ž da niemateryjalnaj śfiery, to tut libieralizacyja, musić, skončyłasia na Łatušku. Ciapierašniaje
pryznačeńnie Aleha Pralaskoŭskaha ministram infarmacyi śvietłych pierśpiektyŭ svabody słova nie abiacaje.
Toj čas, kali Pralaskoŭski byŭ adkaznym za ideałohiju ŭ Łukašenkavaj administracyi, zapomniŭsia mietadyčnymi represijami suprać niedziaržaŭnych ŚMI. Absiah niezaležnaj presy prosta vypalvali. Siakiera była zaniesiena i nad Siecivam. Mienavita hety čałaviek ćvierdziŭ, što treba stroha kantralavać internet.
Prychod sapraŭdnaha pałkoŭnika na miesca starannaha, ale niazłosnaha Rusakieviča — heta najpierš, kaniečnie, umacavańnie stratehičnaha płacdarmu ŭ miedyjaśfiery pierad vybarami. Nu a taksama i «naš adkaz Čembierlenu». Voś tabie, babula Jeŭropa, i Jurjeŭ dzień, voś tabie i miedyjnaja libieralizacyja!
Vonkavy ałahizm šerahu raniejšych i ciapierašnich pryznačeńniaŭ (rakiroŭka hienprakurora i kiraŭnika Kanstytucyjnaha suda, pieratasoŭka hienierałaŭ) lišni raz padkreślivaje, što na biełaruskaj namienkłaturnaj došcy adzin karol, astatnija — pieški.
Kali padsumoŭvać vyniki hetaj kadravaj piatnicy, to čarhovy raz rasstaŭleny šerah ardynarnych vykanaŭcaŭ. Niekatoryja — maładziejšyja pavodle pašparta, ale ŭsio heta kadry staroj farmacyi.
Niama asobaŭ! — biez ekivokaŭ reziumavaŭ ekanamist Leanid Zaika. Jon ža daścipna pažartavaŭ: «Alaksandr Łukašenka na apošniaj sustrečy z čalcami ŭradu skazaŭ, što jany łajdaki, i pamianiaŭ łajdakoŭ na ich namieśnikaŭ».Da siaredziny nastupnaha hoda, inačaj kažučy da prezidenckaj kampanii, Łukašenka paabiacaŭ kančatkova zaviaršyć pieraŭtvareńni va ŭsich strukturach ułady. Vyhladaje, adnak, što sprava źviadziecca da banalnaha pieratrasańnia kadraŭ. Paradyhmy raźvićcia krainy naviersie niama.
Tak što kali i padbirać trochi śviažejšuju mietafaru, dyk namienkłaturnuju matrycu prosta pierazahruzili. Niedzie stanie mieniej hlučyć, ale apieracyjnaja sistema taja ž.
Ciapier čytajuć
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie6060
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie60
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały88
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały8
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1717
Kamientary